’،
فد يوم سألتني سؤال كلش حلو
حبيبتك منو و تهتم الها ؟
جاوبتها بهذا الشكل :
حلو هذا سؤالج ما مرني بيوم
لا فكرت بي حتى الگه الجواب
انتِ منهو و اني انشغل بيج
حي الله الج دگة گلب باب
ولو بالروح الج ثلثين من هاي
و بالثلث هم ثلثين يكمّل نصاب
الج ريّه لوحدج مخصوصة فدنوب
لا جايسها النفس لا بيها عطاب
العيون مجتفه بس انتِ تنشافين
و لغيرج تصد الشوف لو صاب
و على حبل الوريد هواي نظرات
قوس بعرگ حبچ نبضه نشاب
ذكريني مرة اخرى ( من تكونين؟! )
ها ! اي اتذكرت انتِ الهوا الهاب
بس بدون زحمة شعندج وياي ؟
شنوو !! أنتِ دمي و كل الاحباب
يعني عندج علم بيّه تعيشين
الوردة بلا غصن بالموت تنصاب
و حلو هذا سؤالج ما مرني بيوم
بس دورتي روحي و شفتي الجواب
’،
