رايدك تحجيلي عن شهر العسل

[رمااد اانسان]

ايدك بأيده
وسحگتوا اعله الجروح
احساسكم بارد واحس دمي أشتغل

انت تضحك
وانه اسكت بالدموع
وانت تنثر وانه اجمع بالجمل

جنت ماشايف اهلالك .. من بعيد
شلون بدرك هسه بحضانه اكتمل

ماعليك بحالتي
وحنضل جفاك
رايدك تحجيلي عن شهر العسل

شلون شعلت المشاعر والدَلال
شلون طفيت الشته بنار القبل

مو مهم شلون طفيت الشموع
الشمعه سهله شلون طفيت الخجل

جنت تخجل
من تمر ايدي اعله اديك
هسه هذا شجم كتر بيك استحل ..؟

وجنت تكسر واهسي
وكلبي من اجيك
وجنت ارد بين الرضا وبين الزعل

وتنشل حروفي
وبرد بالدم يطيح
شَكثر امن الدمعه ويلفها الشلل

هم اجي ابالك
مثل نسمه غرام
لو يمر اسمي بثگل وزن الجبل

انه اغطيك بحلم لو مر ضواك
وازرع الشبگه اعله شباجك أمل

وامي تسألني شعجب مامر شتاك
شرد اكلها ليا حضن دافي انتقل

ماحضرت ابفاتحتنه … شعطلاك
ماوصلك خبر ضحكاتي الجلَل

ابابكم ..
حدت مناجلها السنين
وحصدت ايامي ونده ايامك ختل

ابابكم…
فرتني فر الذكريات
لحد ما عود الجسم خيط انفتل

امك تهلهل
وانه بضلوعي نار
اشجم جرح ميت بزفتكم عدل

روحي طلعت
من شفتهم طلعوك
ما سمعت ابابكم زلمه انكتل

جنت شاغل
شهگه احساسي وضواي
بيا وكت وي غيرك احساسي انشغل

كلت مشتول
وي روحي ومايبيع
مثل ما وجها ابذّره عيوني انشتل

ميثاق الهلالي

 

[عبد الرحمن]

جميل جدا
الغالي
رماد سلمت يداك
لاخلا ولاعدم

 

[بشير]

روووعه عاشت الايادي

 

[بشير]

شكرا على الطرح

 

[عطري وجودك]

موضوع رائع.. وجهود أروع..
ننتظر مزيدكم بشوق..

 

[انين الوجع]

كًٍلماُت فـيُ قمٌةالروُعٍة00
حِروٌف تتسٍللَ الـىْ القُلب فتٍأسره بجُمالها00
كٌلمات مُن تقِاة بٌذوٍق رُائـع00ٌ
اشًكرك جزُيلٍ الشِكٌر ع الٌإختيٍاُرآلمُبْدِع مثلًك00
تقٌبل بكل ذوُوٌق مروري مٌن هنا