ليلة وفاة الحوراء زينب عليها السلام ابو حيدر المالكي
زينب بالصبر فاقت صبر أيوب
وزينب بالوصف لا متلمها اشعار
لأن زينب الزهره القيّمه إعلى الدين
ولان زينب نهر من منبع الكرار
ولهذا السبب خلّدها ربُّ الكون
بحكمته اختارها تشهد على اللى صار
لأن لولا العقيله ما يظَّل كل دين
وچا ذبحوه بالطف ويَّ أبو الأحرار
اطلب حاجتك بس نادي يا أم عون
تگضيها إلك بت النبّي المختار
أعرفك ما تعوف أختك وحشّه
فراگگ مرد دلالي وحشّه
ليالي العمر صارت عليّ وحشّه
بكل رمشه ترف وحشتك بيّه
بس حلّف العباس بالسيده أم عون
صدگني والعباس كل شدّه إتهون
يا بت علي الكرار يم المصايب
تجفيني شر اعداي وغدر الگرايب
لبيك يا أم عون يابنت الأطهار
#اتحملتي_كل_الصار
#من_جورالأشرار
