سأعودّ إلى مقعدي في أواخر المسرحّ

[رنہا الہ بٰٰيٰلہٰيٰ]

أخبرني ذاتَ يَوم إنه مُعجب بي جداً..❤
بشعري الناعم ...
وعيناي الساحرتان...
وبملابسي التي يعتبرها رمزا للأناقه
وكلامي الواعي الناضج...
واسلوبي الفكاهي الغير مبتذل...
بجنوني الذي يغير من روتين حياته...
بحبي للألوان التي تبعث البهجه لناظره ...
بشغفي للقراءه والاطلاع ...
بطريقة اظهار مشاعري له
وقع في غرامي دون سابق انذار ..
ومن ثم ماذا؟!!!!!
طالبني ان اكون اكثر جديه امام الناس وان لا اضحك ابداً لكي لااخسر هيبتي امامهم ...
وبتغير ملابسي لتكون اكثر احتشاماً لكي لاتلتفت الانظار لي و وان لا يرى جمالي احد سواه ....
حاله كحال اي شرقي
يريد تغير كل تفاصيلي الذي هي سبب وقوعه في غرامي ...
ليعتادني مع مرور الوقت فأصبح أمراة بلا كيان ولا هوية
وحين ذلك الوقت يقول انتي مملة)
فيهرب تحت هذا العذر (الملل) !!!!
ويعاود الكرة مع امرأة اخرى تلو الأخرى ثم ينهي خيباته بجملة واحده فقط وهي الاعتيادية
(جميعهن سواسية ياصديقتي)

 

[رنہا الہ بٰٰيٰلہٰيٰ]

مايخبلني غير الرجال المتزوج اللي ينطلق بالكلام والتودد ويستخدم المصطلحات المبطنه واهتمام فول حتى ممشوف ربعه لزوجته..
ومن تواجهه البنيه بإنك متزوج وعيب تحجي ويايه احتراماً لزوجتك.!!
يجاوبهه بكل هدوء: قابل اني راح آكلج خليج متفتحه واعترفي بمبدأ الصداقه شنو مسامعه بشي اسمه اصدقاء؟؟ وبعدين اني ممسوي شي غلط ولا متجاوز وياج بحرف..
بس اريد اعرف انفتاحك ليش مايسمح لزوجتك تصادق مثلك وتحجي ويه شباب ع ابو ممتجاوزه بحرف ولا مسويه شي غلط؟؟
لو الانفتاح ع ناس وناس؟
ويع

 

[رنہا الہ بٰٰيٰلہٰيٰ]

مااتذكر بيوم من الايام ماما كالتلي انتي احسن بنيه بالدنيا !!!
جانت دائما تكولي:
انتي حلوه بس اكو الاحلى منج ..
او انتي شاطره بس اكو الاشطر منج..
او انتي واعيه بس اكو الاوعى منج..
جنت اضوج اكول ليش عود ماتتباهه بيه وتشوفني نمبر وان ..
بس بعدين عرفت الغايه من كلامهه بأنها انطتني الثقه بنفسي بأني حلوه وشاطره وواعيه ، بس بنفس الوقت حدّت من غروري وكسر تعندي التعالي ووضحتلي بأن كل صاحب رتبه اكو رتبه اعلى منها وماكو بشر احسن من كل البشر ..
بس اكو بشر امهر من بشر بأنه يملك قدره على اقتناص الفرص او الاستفاده من التجارب ويخلي لنفسه درج (سُلَم) من الدرايه الطموح بأنه يكون احسن من غيره ..
خليكم الامهر افضل من انكم الاحسن لأن المهارات تكسب الشخص قوه شخصيه وقناعه بأنه لازم يكون احسن من الاحسن
اتبعوا هالاسلوب بحياتكم بأنكم تعتزون بنفسكم وباللي وصلتوله وتفتخرون بأنجازاتكم بس بنفس الوقت اعرفوا ان كل اللي وصلتوااله هو نقطه ببحر الابداع اللي حققه غيركم يعني اكو غيركم هم يتعب مو بس انتوا فأستخدموا هالشي كحافز للسباق الشريف..

 

[رنہا الہ بٰٰيٰلہٰيٰ]

ليش بالقانون اطلق على تطليق الزوجه لزوجها لفظة ( الخلع ) ؟؟
يعني اللي اعرفه باللغه العربيه اطلقت هاللفظه على.
(خلع السن الخايس ، خلع الملابس القذره ، خلع الحذاءبعد تعب يوم طويل )
شيقصد المشرع العراقي لالا عمو فصخته مو هيج

 

[رنہا الہ بٰٰيٰلہٰيٰ]

جنت بمرحله اولى بالجامعه وجان عدنه محاضره للدكتور جواد اللامي الله يذكره بالخير فما اتذكر شسويت فأضطر إنه يطردني من المحاضره (اول واخر مره والله)..
دااروح للكافتريا مالتنه جانوا واكفين طلاب المرحله الرابعه بالباب فواحد منهم استظرف ومخلاني افوت بالبدايه فمن دااصعد الدرج مااحس روحي الا واني وجهي يبوس الكاع لأنه ذبلي رجل الحقير .. كمت كالاسد انفض بروحي وهو وجماعته يضحكون شو بلا مااحس بروحي الا واني لازمه الكتب اللي بيدي وراكعه راسه بيهن طنننن وصوت الهطره توصل للعماده والاخخخ مالته ماانساها مااعرف شلون هيج تصرفت بس طلعت مني لا ارادياً واني اصلا متفشله من الدكتور والفشله مال الوكعه سوت رد فعل خنفشاري ..
المهم ..
اللي تعلمته من هالموقف هو صح ممقتنعه بيه بس جان بمكانه لأن لو ساكته جان تمادوا بالجايات أكثر وأكثر فـ بالبدايه خليت حدود وبينت رد فعل اتجاه الاساءه وفعلاً من لحظتهه ابتعدوا عني و صاروا يضوجون مني طز بيهم المهم عندي اكتسبت احترامي لنفسي وخليت حدود بأن هيج موقف مستحيل يتكرر ويايه بعد..
كل هذا الموقف طرحته حتى اكول (لو تنازلتي عن حقج مره لا تنتفضين وتستنكرين الفعل اذا تكرر اكثر من مره وياج لأنج سهله وببساطه ترضين وتتقشمرين الله خلقج الج حق وعليج واجب أدي واجبج بأتم وجه ولتتخلين عن حقج لأنه مقابل واجبج والانسان اللي يعمل عمل بلا مقابل محد يثمن عمله ويعتبروا شي عادي حجمي نفسج صح الكل يعاملج باللي انتي تريدي )

 

[رنہا الہ بٰٰيٰلہٰيٰ]

إجتماعيه..
وتلقائيه..
وطبيعيه ..
نوعا ما مجامله 4‎%‎..
واحب نفسي واثق بيهه بس مو مغروره ..
اتناسى اغلاط الي احبهم حتى تمشي الحياة وياهم ..
بس ما اسامح الي يخون وانسحب منه لو روحي بيده ..
‏عمري مابنيت علاقاتي على مصالح او إستغليت أحد ولا اخذت شي مااستحقه من بشر حتى لو كان مدح او ثناء ..
أكثر أوقاتي دوام او أقضيهه ويه اهلي او ويه صديقاتي ھُــــمَ 2 لاني ماتعلمت ابقى وحيده ومعتكفه ..
اجيد تمثيل دور السعيده بأحتراف حتى لو كنت في قمة حزني لأن ضد الدراما بكل صورهه واسبابهه..
إذا حبيت أحب من كل قلبي أعطي وماأنتظر رد ولا مقابل فقط الاحترام ..
واذآ صادقت أكون كل شيء صديقه واخت وا م وبأشد الاوقات سند وعون..
واذا غلطت أعتذر ومااكول عيب اعتذر وهذا الشي ينقص مني ولا اكول ميستاهل الاعتذار لا يستاهل الصغير قبل الكبير دامي غلطانه..
وإذا أنظلمت وإنوجعت افوض امري لألله واكول حسبي الله ونعم الوكيل وأنتظر إلدنيا تدور حتى ياخذ الله حقي دون تعب منـي ..
واذا تعثرت اكوم من جديد وابدع اكثر وانطي الي بطاقتي كله حتى وكفتي تصير بثبات وقوه..
رأيي غالباً مخالف للمحيط لذلك اكتفي بالمشاهده الغير ممتعه ..
لذلك احداث بلدي لا اتطرق بالحديث عنها لأنها لا تروق لي ولا تمثل تطلعاتي

 

[رنہا الہ بٰٰيٰلہٰيٰ]

لأن الخيل قد قلت..!!
تحلت حمير الحي بالسرج الأنيق..
فأذا ظهر الحمار بزي خيل فلا كاشف لأمره الا النهيق.

 

[رنہا الہ بٰٰيٰلہٰيٰ]

ركزولي ع هذا الخاتم المعروف ب(سولتير)..
هذا عباره عن حجر الماس وبلاتين
البلاتين هنا يعاد صهره وصبه وصقله اكثر من مره بس حتى يتناسب مع شكل حجر الماس ويتم تلميعه بس حتى يوصل لبريقالحجر ..
انتي هيج ..
انتي الالماسه هاي اللي الدنيا كلهه تنصقل وتنصب وتتلمع حتى تتناسب وياج وويه وضعج وطبيعتج وجمالج وبريقج ..
لتتغيرين ابد حتى بس تكسبين رضا شخص ما هذاك الشخص هو يتغير حتى يتناسب وياج لأنج الماسه وهو بلاتين ..
الالماسه اول ماتبدي تتغير راح تفقد قيمتهه ولمعتهه وهيبتهه كبال اي معدن .

 

[رنہا الہ بٰٰيٰلہٰيٰ]

بالبداية ..
لازم تكونين كذابة ومتصنعة وساذجة لأن هاي صفات الانثى بنظرهم..
ولازم ماتكونين صريحة وجريئة ماتجادلين ولا تناقشيَن لأن هاي قلة ادب..
انتي عليج بس "تنفذين فقط ماكو نقاش"
لأن مجتمعج يهوى لبس الاقنعة عبالك عايشين حفله تنكريه ..
لازم تلبسين قناع الذل والخضوع حتى تصيرين قديسة بعيونهم ورمز للمرأه الصالحه ..
وتره المرأة الذكيةَ التي تدافع عن حق وهبه الله إلهه هي امرأة معادية للرجل ومتسلطة وتريد تهجم بيتهه بيدهه .
اووف شوكت يفهمون ان الله خلّه العلاقة بين الرجل والمرأة تكاملية مو تفاضليه يعني مخله واحدهم سلـطان ع الثاني بحيث يسلب حقوقه ويمحي شخصيته والطرف الثاني مايكول غير كلمة (صار)
من الاخير اذا ردتي تعيشين بهيج مجتمع لازم تسوين كل هذني وانتي الممنونه لأن دايوكلوج ويشربوج..
اما اذا ردتي تطلعين من هيج دائرة ماراح تحتاجين بس انج تكونين قوية وتؤمنين بشخصيتج واسندين نفسج بنفسج بشهادتج بوظيفتج بثقافتج بخوفج ع نفسج وسمعتج ولا تنتظرين المساعدة من احد لأن انتي اقوى مما تعتقدين ..

 

[رنہا الہ بٰٰيٰلہٰيٰ]

لست عدوة للرجل ابداً ولكن يجب يكون أنصاف
وكلامي مدروس عن المجتمع العربي ظالم حقوقنا كــ نساء نصف المجتمع لان نحن نكمل الجزء المكتمل بالحياة..
وأكرر ليست عدوة اطلاقاً