لو كنت مولودة في زمن الجرائد لكنت الآن اعمل كاتبة في جريدة الملك فيصل
أستيقظ صباحاً وارتدي التنورة skirt البيضة الضيقة وصابونه ركبتي طالعة كوه امشي بيها واسرح شعري بـالأوتي حتى يصير حرير ولو هو اصلا حرير
بعدها اسوي كهوة سادة لان اني غامضه واركض على
الامانة ام طابقين حتى توصلني لمقر عملي اصعد للطابق الثاني حتى اشوف المناظر الخلابه(جذب حتى اكعد يم فارس احلامي ويشوفني لابسه قصير ويغار)
اتبادل اطراف الحديث مع ابو عيون كبار ويكون الحديث عن الوضع السياسي
هو يحب الملك واني احب الباشا نوري السعيد وهو يضوج من نوري لان يكول هذا يتعامل مع الاجنبي بس اني اكون فرحانه لان عدنه دبلوماسي محنك وانهي كلامي بـ(مصلحة بلدي لو بين ايد الشيطان اروح وياه) يضوج ويصير احمر ويكرصني من زندي وتصير الكرصة حمرا واتعصب منه وانزل امشي سريع كدامه
وهو يباوع ويصيح اوووف لو الزمچ (يقصد قلبي)
ادخل اكعد بمكتبي ومكتب فارس احلامي بصفي وابدي اكتب مقال عن سياسة العراق مع دول الجوار وكيفيه الاستفادة من القرب الاقليمي واكتب عن حلمي بالتعاون مع بعبع الشرق الاوسط تل أبيب حتى نصير دولة متقدمة بعلاقاتها بس اخاف واتراجع وامسح الي كتبته لان اذا صارت مشاكل ممكن اخسر كيلو العدس الي احصله من المدير ويمكن اخسر حتى تنورتي اذا زعل تاج راسي لهذا قررت اكتب مقال محاولة مني اقناع الناس ان الصبه مو نگسين ويسون اكل طيب وهاي السالفة طلعها البوق عبدالرزاق الحسني بس هم خفت ومسحته قررت اكتب عن مضار العدس والزيت على القالون وتأثير القالون على ثقب الاوزون نعم يا سادة نحن السبب بثقب الاوزون وليس اصابع المواطنين الوسطى التي تتوجه للسماء عند انقطاع الكهرباء.
أستيقظ صباحاً وارتدي التنورة skirt البيضة الضيقة وصابونه ركبتي طالعة كوه امشي بيها واسرح شعري بـالأوتي حتى يصير حرير ولو هو اصلا حرير
بعدها اسوي كهوة سادة لان اني غامضه واركض علىالامانة ام طابقين حتى توصلني لمقر عملي اصعد للطابق الثاني حتى اشوف المناظر الخلابه(جذب حتى اكعد يم فارس احلامي ويشوفني لابسه قصير ويغار)
اتبادل اطراف الحديث مع ابو عيون كبار ويكون الحديث عن الوضع السياسيهو يحب الملك واني احب الباشا نوري السعيد وهو يضوج من نوري لان يكول هذا يتعامل مع الاجنبي بس اني اكون فرحانه لان عدنه دبلوماسي محنك وانهي كلامي بـ(مصلحة بلدي لو بين ايد الشيطان اروح وياه) يضوج ويصير احمر ويكرصني من زندي وتصير الكرصة حمرا واتعصب منه وانزل امشي سريع كدامه
وهو يباوع ويصيح اوووف لو الزمچ (يقصد قلبي)
ادخل اكعد بمكتبي ومكتب فارس احلامي بصفي وابدي اكتب مقال عن سياسة العراق مع دول الجوار وكيفيه الاستفادة من القرب الاقليمي واكتب عن حلمي بالتعاون مع بعبع الشرق الاوسط تل أبيب حتى نصير دولة متقدمة بعلاقاتها بس اخاف واتراجع وامسح الي كتبته لان اذا صارت مشاكل ممكن اخسر كيلو العدس الي احصله من المدير ويمكن اخسر حتى تنورتي اذا زعل تاج راسي لهذا قررت اكتب مقال محاولة مني اقناع الناس ان الصبه مو نگسين ويسون اكل طيب وهاي السالفة طلعها البوق عبدالرزاق الحسني بس هم خفت ومسحته قررت اكتب عن مضار العدس والزيت على القالون وتأثير القالون على ثقب الاوزون نعم يا سادة نحن السبب بثقب الاوزون وليس اصابع المواطنين الوسطى التي تتوجه للسماء عند انقطاع الكهرباء.
وعندما نرتدي السواد بقلوب محطمة ومن هنا يسكت العالم بأسره وتتغطى السماء بالسواد
وكتله ( باوع بس توصل يم باب الطارمة ذب الشال والعباية بالحديقة) كال (تمام)
(يبوووووووووووي) ورستن عيونهن على الدرج شافن مرة نازلة ولابسه عباية عبالهم مسوين تشابيه وهاي شخصية زينب عليها السلام كامن كلهن يم الدرج عود يتلكن زينب ويواسنها بمصابها والي هو ابن ابن عمي واشتغل الصريخ واللطم على الرأس( يبوي يبوي)المسكين خطية من هول الصدمة رفع الشال عباله سحك أبطن وحدة منهن وطلعن شواربه ولحيته وجان يصير مراكض نسوان على جهال على كشور موز على فناجين دارسين تتراكع وطاح ام بي ثري الملاية على صفحة واكو عجوز أرتفع ضغطها وغمى عليها يم النعولة عبالها الشمر ظهر كل هذا الصار وهو واكف على الدرج بكل فهاوة يسأل شبيكم شنو صار
