للشاعر :كاظم اسماعيل الكاطع
سافرت
وبجنطتي اكتاب وقصيده
بيد شلت اكصيبه اختي
وفوطة امي
الطاحت امن الراس
مشاني السفر لبعيد
عبرني المسافات
وصحت : يبعيـــــــــــــد
يا نهر التعب لعيوني عبر انعاس
نومني
اريد ارتاح
بعيوني بجي
بكد الحجي المضموم عد الناس
وبكلبي حجي
بكد البجي الراكد ابعين الناس
وامشي
ودورت عنك
مدينة - وبادية - وكل شي
وصعد دخان كلبي الغيمة الوهواس
وامشي
وخلص باكيت الجكاير بالدرب
كمت اشرب ابروحي
يكبرك وين ؟
لا يذبل بديه الياس
يكبرك وين
احس خنجر غفه ابدمي
اخاف الظلمه تذبحني
واجي من المكبره
ابلا راس
كبرك وين
!! ولكيته
يكبرك هاذ ؟
بس انته لوحدك بيه
ابد
لمن شفت كبرك
كلت مدفونه كل الناس
وشبكته
وبجيت ادموع كل الناس
حبيته
وطبعت اشفاف كل الناس
بس الشمعه كالتلي
البجيت عليه شك كبره
وطلع يتظاهر ويه الناس
وصفن كلبي
صفن كلبي
صفن صفنه الميت بيد تابوته
صفن صفنه غريب
اباب اليحبه
صفن
يدري العواصف تكتل الغابات
يدري الريح عدنه امسودنه وعميه
اليصير اكبالها اتنهبه
صفن
يدري الفرح مدفون بالسرداب
ياجف اليدك الباب ؟
من يكدر يفك الباب ؟
كلها امكهربه العتبه
وصلينه صلاة الخوف
بتراب الكبر الاحمر تيممنه
وقرينه سورة الوثبه
وردت ارجع
فكدت الشوف
وين اعيوني ؟
وين ؟ اتلمست
ولكيتها ابزيج البچي امچلبه
وطفت طوفه وداع اعله الگبر
شديت الگصيبه
غسلت الفوطه بدموعي
شفت بيه بگايه امي
فرد شيبه
غسلت الفوطه بدموعي
ردت هودج يمر بيه
وشدنها ابشراشيبه
ردت هودج يمر بيه
وأعلگها ابشراشيبه
سافرت
وبجنطتي اكتاب وقصيده
بيد شلت اكصيبه اختي
وفوطة امي
الطاحت امن الراس
مشاني السفر لبعيد
عبرني المسافات
وصحت : يبعيـــــــــــــد
يا نهر التعب لعيوني عبر انعاس
نومني
اريد ارتاح
بعيوني بجي
بكد الحجي المضموم عد الناس
وبكلبي حجي
بكد البجي الراكد ابعين الناس
وامشي
ودورت عنك
مدينة - وبادية - وكل شي
وصعد دخان كلبي الغيمة الوهواس
وامشي
وخلص باكيت الجكاير بالدرب
كمت اشرب ابروحي
يكبرك وين ؟
لا يذبل بديه الياس
يكبرك وين
احس خنجر غفه ابدمي
اخاف الظلمه تذبحني
واجي من المكبره
ابلا راس
كبرك وين
!! ولكيته
يكبرك هاذ ؟
بس انته لوحدك بيه
ابد
لمن شفت كبرك
كلت مدفونه كل الناس
وشبكته
وبجيت ادموع كل الناس
حبيته
وطبعت اشفاف كل الناس
بس الشمعه كالتلي
البجيت عليه شك كبره
وطلع يتظاهر ويه الناس
وصفن كلبي
صفن كلبي
صفن صفنه الميت بيد تابوته
صفن صفنه غريب
اباب اليحبه
صفن
يدري العواصف تكتل الغابات
يدري الريح عدنه امسودنه وعميه
اليصير اكبالها اتنهبه
صفن
يدري الفرح مدفون بالسرداب
ياجف اليدك الباب ؟
من يكدر يفك الباب ؟
كلها امكهربه العتبه
وصلينه صلاة الخوف
بتراب الكبر الاحمر تيممنه
وقرينه سورة الوثبه
وردت ارجع
فكدت الشوف
وين اعيوني ؟
وين ؟ اتلمست
ولكيتها ابزيج البچي امچلبه
وطفت طوفه وداع اعله الگبر
شديت الگصيبه
غسلت الفوطه بدموعي
شفت بيه بگايه امي
فرد شيبه
غسلت الفوطه بدموعي
ردت هودج يمر بيه
وشدنها ابشراشيبه
ردت هودج يمر بيه
وأعلگها ابشراشيبه
