الماخــــذك مني سبع لكن غشيم
ماقره اعـــــله شفــــايفك بوساتي
احساسه ميت لان حط ايده اعله اديك
وايــــــده ماعثـــــــرت بثر لمساتي
عاين بوجـهــك ولا جنه يــشــوف
لـــهسه بخــــدوك اثر صفناتي
مشه وياك وما حسب خطواته زين
وما كدر يمسح اثر خـــطـــواتي
انه باذنك وشم دكيت الكـــلام
وضـــلن اباب اذنـــك احجاياتي
يعني عوفه شما حجه باذنك كلام
قبل لتسمـــعه تطب كلمـــاتي
انه راسمهن رسم كل السنين
بورق جسمك وبحبر دمعاتي
يعني وين اتروح تارك ذكره بيك
وفنه بختك لو نكر وكفاتـــي
وباجر اتقوم القيامه وذمه هاي
يحاسبك الله اعله اذن طعناتي
وحته من تدخل جهنم والعذاب
النار ما تمسح اثر حضناتي
راح احبك من طرف واحد نـــــــويت
حتى اني وياك ميمرنه الزعــــــــــل
وحتى باجر لو رحت عني ومشيت
ما يسالوني واكللهم قد رحـــــــــــــــل
وحدي بيني وبيني قصة حب اعيش
ما اكلك خاف يمنعني الخجــــــــــــل
وخاف اكلك واكتشف عنــــدك حبيب
ليش اجازف وانهي قصـــــتنا بفشل
والله شو مرتاح احس خليـــني هيج
ما تجيني جروح منـــــــك عاالاقــــــل
وحتى بالفركه شـــــــخص واحد يموت
هوه نفسه الجان عــــــــايش عالامل