سجـل حضـورك بِـمآ يَـروق لذآئِقتك الـأدبيـه

[mohammed.shams]

رد: سجـل حضـورك بِـمآ يَـروق لذآئِقتك الـأدبيـه

مانسيتك لا وحك شوكي عليك
غافي بعيوني تظل اجمل حلم
وصوت ضحكاتك بعده بيه يعيش
وصورتك بالبال تتراوة رسم ..
وكلمة متانيك بشفافي تبات
وغير اسمك ماعبر بيها اسم
وانه تعبني البعد يمته تعود
والله رك الحيل وانحل الجسم

 

[mohammed.shams]

رد: سجـل حضـورك بِـمآ يَـروق لذآئِقتك الـأدبيـه

صعب دونك اعيش وغيرك اختــــــــار.
لان بس انت وحدك تفهم الــــــــروح.
وصعب انساك وانسى سنيني وياك.
من بعدك اعيش العمر مجــــــــــروح.
وصعب تصبح محبتك بس بالعيـــون.
لان كلش احبك حبي مفـــــــــضوح ....
يا أجمل نغم غنيته بالكــــــــــــــون.
ويا أعذب لحن وتعزفك الــــــــــــروح.

 

[mohammed.shams]

رد: سجـل حضـورك بِـمآ يَـروق لذآئِقتك الـأدبيـه

خذ مني كلام ونام مرتاااااح


اليعزك لا تظن ينساك فد يوم


يتمنى نفسة حمامة وتملك اجناح


وعلى دارك يحط ساعات ويحوم


واذا ينساك تبقى تذكرة الجروح


وجرح البية اسمك يظل ملجوم


واذا اكلك اشكد شايلك اشواق

تكلي اشلون تكدر تمشي وتكوم

 

[mohammed.shams]

رد: سجـل حضـورك بِـمآ يَـروق لذآئِقتك الـأدبيـه

من دون ماأقصد ياهوى البال مريت
قـدام بابـك وأنجبـرت أشتكيلـه

ياباب قلـه فـي عذابـي تماديـت
ومرت على فراقه سنيـن طويلـه

شوقي فضحني في عيوني وصديت
الدمع مايرحم وماقويـت أشيلـه

 

[mohammed.shams]

رد: سجـل حضـورك بِـمآ يَـروق لذآئِقتك الـأدبيـه

اوگف خل ابوسک لاتخاف اشبيک'
ماتعبک ولک بس غمض اعيونک"
خل شفتي علشفتک ناس تاکل ناس'
ولساني ابترافه يلاعب اسنونک"
ولک لزمت خصر ماتنحچي وتنگال'
خيعونک بچف الولف خيعونک"
ذهب انته وعسل کل الجمال البيک'
فدوه شوفلي اهلک مايبيعونک"

 

[mohammed.shams]

رد: سجـل حضـورك بِـمآ يَـروق لذآئِقتك الـأدبيـه

ما ‏مشتاگلي ؟؟!!
شو اني مشتاگ
وضاع العرف يمنه والهوه نبـاگ
عدنه گلوب تعشگَ تهوه وتهيم
وعدنه عيون ما تتـحمـل افراگ ..!!

 

[mohammed.shams]

رد: سجـل حضـورك بِـمآ يَـروق لذآئِقتك الـأدبيـه

بيه. حسره ومختن والدنيا ليل
وبيه ون ايتام بس ونهم همس
من اجر النفس بعده بألف حيل
شلون بيه وحيلي خلص من امس

 

[mohammed.shams]

رد: سجـل حضـورك بِـمآ يَـروق لذآئِقتك الـأدبيـه

كلماتك شفتهن صارن ثگال
واسلوبك تغير ليش وياي
حبيتك گبل لتشوفك العين
وانطيتك محنه كلش هواي
رسمتك بالخيال بذيج الايام
واحلى ايام مرسومه بخيالي
اختاريتك حبيب بين كل الناس
وياوسفه غلط چان اختياري

 

[mohammed.shams]

رد: سجـل حضـورك بِـمآ يَـروق لذآئِقتك الـأدبيـه

ارسم بيك ع الحيطان
واحضن. بالهوى ال عفته
واصيح فلان ....!!!!
عطرك وين
صدري النسمه ....خانگته
وافز مرعوب
والگه فلان
غير فلان .........مو انته .

 

[mohammed.shams]

رد: سجـل حضـورك بِـمآ يَـروق لذآئِقتك الـأدبيـه

تاالي #الليل

من نامو المايدرون

عله گد البقه من الحيل دورتك،،