سجل حضورك بكتابة بيت شعر شعبي

[العذبة~]

‏تغــار لا اشــوف العــرب يامــلاذي..!
ابشــر بعـزك تــم ..وافتـح كفــوفك
.
اخـذ عيــوني معــك هاذي وهاذي
مـانـي بحاجتهــا سوى يوم اشوفك

‎#حمد_البريدي

 

[العذبة~]

‏عقب الغياب اللي تبرره الليالي والظروف
سلام تسليمة وفا من غايبٍ عذره معه

 

[العذبة~]

كن بانتظار العيد...للعيد لا باس
لكن أنا ويش انتظاري بدونك

من عايدك ماهو مثل باقي الناس
عيده خلص...من يوم شاهد عيونك

 

[العذبة~]

‏لامن نعس طرفك قولي لي أنامُ
الليل عقبك من عشانه نسهره

 

[العذبة~]

‏مافيني إلا الخير أضحك وأسولف
ومن خاب ظني فيه سديت بابه

 

[migratory bird]

الى من العرب ناموا بدى ليلي

وحيد وقاعد لحالي

شراع الشوق خانتني مجــاديفه

متى الايام تصـفى لي

ردى وان طالت الشكوى انا ويلي

جريح القلب عزى لي

وموج البحر يلـعب بي على كيفه

حرام الصــد ياغالي

انا مالي طبيب ينــهض بحيلي


سوى من كـان قتالي

خفيف الروح تنعــشني سواليفه

مريح وجــونا خالي

 

[العذبة~]

‏على كثر هالغيابات وعلى هالحضور
مدري أنا فاقدك ؟ او إني فاقد وعي,

شكراً على كل شي ,الا على هالشعور
شعوري انك معي احلا من انك معي

 

[migratory bird]

ناديت لك من بين الايام وين انت
محتاج افضفض لك حديث المحاني
تدري بتاريخ الغلا انت وش كنت
اجمل هديه ساقها لي زماني

 

[العذبة~]

على رفْقة الطيّب يسير الزمن قدّام
أماري بطيبه و أرفع الرّاس و أردّد

سلامي على اللي ما تنكّر مع الأيّام
غلاه و نباه و موقف الطّيب متجدّد

 

[migratory bird]

رحت اسولف للجبال الصم عن قصةرحيله

،،،،،،،،،،،،،مـاتركت متونها الا ينحت الدمع بصخرها

مـاتـقبلت الـفراق ولالـيدي فـيه حـيلة

،،،،،،،،،،،،،،آه لـوان الـظروف الـمقبلة تـكشف قدرها

لـويعرف الشخص منا وش مع الغيب بيجيله

،،،،،،،،،،،كـان جـنبنا المشاكل مـن قبل يوقع ضررها

مـاهقيت الـليله الـلي جـابت الفرقا طويلة

،،،،،،،،لين صارت ليلة امس بعيني اطول من شهرها