سرقة سرقة




قرار التغيير
ليس بالضرورة للأحسن
قد يكون من الأحسن للأسوأ ..
يعني كنت مثلا عصبي تصير عديم الإحساس
مثلا كنت تااكل أكل متوازن تصير آفة ما تعتق حتى سمك الزينة تعصر عليه ليمونه و تزرطه
و ممكن كنت تدعي الله يسامح فلان و فلانه بظهر الغيب .. صرت تدعي عليهم بالعلن ..
يعني تتغير و تصير شخص متوحش ..
هذي التغييرات تكون نابعة من حقيقة الشخص في أعماقه ..
الظروف تخليها تطفح مثل الأكزيما السلوكية ..
طفح أخلاقي مزعج ..
و أكثر وسط تظهر في هذه الحالات هي مواقع التواصل الإجتماعية
فيها كمّ طفح سلوكي يثير الغثيان .. و أكزيما أخلاقية ما يعالجها إلا الكوي بحديدة حامية على الأصابع اللي تكتب التعليقات ..
و في الحقيقة أنا أشكر مخترعي هذه المواقع ..
خلتنا نصحى و نصحصح من أحلامنا و أوهامنا ..
و نستشعر قيمة الواقع .. على علّاته ..
المهم ..
باجر بروح مزرعة بالوفرة ..
اللي يبي بصل أو خيار أو طماط أو خضار ورقية .. يبلغني
كوسا بيديان ( باذنجان ) قرع .. بروكلي ..
شمندر ..
يمكن يمكن ألاقي ورد .. و منتجات ألبان طبيعية
على أمل .. أن تحلّ الطبيعة .. عقدي الكثيرة
نراكم على خير
سلمولي على اللي أحبهم و هم يعرفون نفسهم