سلاحي سكته
لغربتي ولمن غادرني بلا وداع
.................................
سمعتيني
وسمعتي شهكة ونيني
واسمعج كل حجي الماضي
وأسمعج شــغرة سنيـــــني
واسولفلج على الغربه
شلون من تاخذ بعيــــــني
صب دمعها
الزمن غدار وفجعها
غرز سجينه حيل
وتل ضلعها
ورد شلعها
وصب دمعها
مودمع هذا يروحي
هذا دمي سكَه عيني
كمت اغني من اذكرج
أوحَشَــــم الدنيا ونيني
يا عذل ناس التســــــولف بالنفاه
وهمس واشي شكَكَ اطراف الشفاه
طيف مرني بلحظه شاه
سلاحي سكته
وكل عتادي يثور اه
وناطر اللحظه العجيبه وماتجيني
مادريت الدنيه هيج
ومادريت الصار بيج
وعيني تدمع للمصاب الصار بيج
ويلي ياشهكَة يتيم وعن عليـــــــج
واشتريت العافيه بوشلة حياتي
اوسوم مرخص واشتريج
حتى فرحانه اشوفج واعتنيج
او ماتجين
وراح اغني بطور داخل بس ونين
وادري معذورة بعيده وماتجين
وظل شليلي محمل دموع وحنين
وسوله صارت
مره للكَيلاني رايح
ومره رايح للحسين
اشكي لوعات السنين
ورغم هذا ماتجين
وماتجين
