سهراية الحلقة 5

[mohammed.shams]

تلاته محششين اتفقوا يسرقوا عمارة بس بشرط ياخدوا بعيد عن المنطقة علشان محدش ياخد باله، فقلعوا هدومهم وقعدوا يزقوا العمارة وجي واحد من وراهم سرق الهدوم، وبعد شوية واحد من المحششين بص مالقاش الهدوم فقالهم كفاية كدا احنا بعيدنا.

 

[mohammed.shams]

واحد محشش قال لصاحبه مالك بقيت أقرع كدا ليه فرد عليه من الزمن يا صاحبي.. فقاله المحشش لا متروحش تحلق عند الراجل دا تاني.

 

[ناآاآاآيٰ ♥♬✨]

واحد محشش خرج من كنتاكي وهو ميت من الضحك، بيسألوه بتضحك ليه، قالهم ضحكت عليهم واخدت وجبة عائلية وانا مش متجوز .

 

[mohammed.shams]

واحد محشش كان هيخبط واحدة بالعربية. قالتله أنت ماشفتنيش. قالها أيوه شفتك بس مش فاكر فين؟!

 

[mohammed.shams]

واحد مسطول اشتغل سواق تاكسي، شاورتله واحدة، وقف وسألها “رايحة فين؟” قالتله “المهندسين” قالها “روحي بس متتأخريش”.

 

[mohammed.shams]

مسطول ماشي لقى واحدة ست بتتحرق قالها منورة يا حجة.

 

[mohammed.shams]

اثنين مساطيل بيتفرجو على نشرة الأخبار فالأول بيقول للثاني هيه النشرة طولت أوي كده ليه، الثاني قال له الظاهر إنها الحلقة الأخيرة.

 

[mohammed.shams]

محشش سال صاحبه المحشش: إيه أخبار أبوك؟ بعدين افتكر أن أبوه ميت فكمل بسرعة: لسه في نفس التربة؟

 

[mohammed.shams]

محشش سأل محشش: في رأيك عيد الفطر هيوافق يوم الخميس. فرد عليه: إذا ضغطنا عليه أكيد يوافق.

 

[ناآاآاآيٰ ♥♬✨]