سوالفنـا عراقيـة .

[رنہا الہ بٰٰيٰلہٰيٰ]

صار إلنا سنة متزوجين لو شفت صورتك هاي كان أجلنا الزواج













تعليقه







(ولايستقر ابو راس مربع)

 

[الحالمة]

واحد من كرايبنه يكول شتريت خرزه مال محبه خليته بجيبي وكشخت وطلعت اشو ماظل بزون ما يفتر وراي ههههههههههههههههه

 

[رمااد اانسان]

‏ارمله گالولها :
شفنه زوجك بالحلم بالجنه ومرتاح مزوج حوريه عمرها( ١٨) سنه
گالت:انعل امه وابوه الي يسويله ثواب بعد

مشاهدة المرفق 18874

 

[رمااد اانسان]

تم القاء القبظ على وحدة من بنات المنتدى لوجودها
بالقرب من منزل ام عباس السحاره والاسباب مجهوله

مشاهدة المرفق 19126

 

[مـــجيـّدالسيــــد]

اليوم بالعياده اجه واحد يسأل وين البزاز وبعد الاستفسار تبين يدور على مضمد
ههههههههه
بزاز ابر

 

[ملهم]

’،

اكو شارع عام حيوي جداً گدامنا ..
مسوين بي فاتحة و ناصبين چادر ( الله يبعد عنكم الاحزان ) و گاطعين الشارع محد يفوت منه ..

فأجه ابو توك توك .. راد يعبر ما خلوا اهل الفاتحة

هو شسوة فر التوك توك مالته و عدله مضبوط للانطلاق و صاح بكل صوته ( نعلعله روح الميت ) و شرد
و اهل الفاتحة يركضون وراه التوك توك .. اوكف و اوكف
و بعد سالفة ابو التوك توك خلال خمس دقايق فتحوا
الشارع و كامت السيارات تعبر لان الميت شبع مسبّة

و الاضرّب من اللي صار هو انه الناس
عافت الرحمة على روح المرحوم و كامت تترحم لأبو التوك توك لان بسببه انفتح الشارع ههههه

’،​

 

[الحالمة]

مشاهدة المرفق 19319
اهم شي يحتفظون بالنسخ ههههههههههههههههههه

 

[رنہا الہ بٰٰيٰلہٰيٰ]

حجيه راحت للانتخابات
كلت لموظف الاقتراع
اشرلي على فلان.. اشرلها
كلتله اشرلي هماتين على فلان
كلها حجيه ميصير
كلتله انت شعليك ورقتي وحرة بيها
اشرلها
كلته واشرلي على فلان هماتين
كللها حجيه والله ميصير
كلتله شنو هل طلابة وانت شعليك
اشرلها
كلتلة اشرلي على فلان هماتين
اشرلها وكللهة حجيه ترة الورقة خربت
كلته تخرب الورقة ولا اخرب ويه العباس
ذو كلهم خذت منهم فلوس وحلفتلهم بالعباس انتخبهم

 

[رمااد اانسان]

للضحك
أبو جبار وأم جبار گعدوا بفندق خمس نجوم عشرة ايام ..
وقت المغادرة ولمن ابو جبار ديحاسب گاللهم المديرالحساب 2000 دولار..
تعجب ابو جبار وسأل على التفاصيل ..
المدير گاله : 500 أجرة المسبح
أبو جبار : بس اني ما سبحت!
المدير : چان المسبح گدامك .. منو منعك ؟!
أبو جبار: طيب وباقي الفاتورة ؟
گاله المدير: 700 أجرة الالعاب
أبو جبار : الله أكبر عمي أني ما وصلت يم الالعاب
المدير: چانن گدامك .. منو منعك ؟؟؟؟؟
أبو جبار : خوش راح ادفع الحساب بس أخصم منهن 1900 دولار
انصعق المدير وگاله : خير إن شاء الله ليش الخصم ؟؟؟
أبو جبار : أجرة مغازلتك لأم جبار
المدير : خاف الله يمعود أني غازلتها ؟؟؟؟
أبو جبار : ام جبار چانت واگفه گدامك.. منو منعك تغازلها يكلك ابو الفندق من ذاك اليوم عزل الفندق٠

وهسا يبيع لبلبي اباب الشرجي

عرض أقل

مشاهدة المرفق 20479

 

[رمااد اانسان]

اليوم فتحت عقد زواج ابويه
على امي لكيت المؤخر مالهم 500دينار
ادري شماخذلك لفه