سوالفنـا عراقيـة .

[النبيل]

لكيت جنطة بالشارع بيها ٣ بطايق ماستر كارد ونظارات نسائية" شوبرد" و3 سوارات و500 ألــف وايفون 12 ترد الروح رحت اسلمها لمركز الشرطة وبداخلي صوت اغنية يا عراق ترجع شي اكيد بحيلك
واحس محمد صلاح جاي يصفكلي ويبجي

 

[الحالمة]

 

[رمااد اانسان]

من انت خاطب.وعمك.مرشح
للتخابات

 

[حشرجة]

يبدوا ان لا احد يفتقدني هنا سوى سارق منشوراتي ...

 

[الحالمة]

فاهم الحنه بالغلط هههههع

 

[جنون العاطفه]

 

[جنون العاطفه]

ثلاثه اشياء بتهدي الاعصاب
الفلوس ، المال ، النقود
واللي تقولك الليمون اعصريه بعيونها

 

[رمااد اانسان]

هذا مرشح خسر بالانتخابات ورفع التبليط ههه

 

[رنہا الہ بٰٰيٰلہٰيٰ]

 

[جبروت أنثى]

اليوم اريد اسولف عن وحده من الاقارب
قصة حبها يمكن ما تصير غير بس بالقصص الخياليه
ولو هاي اقارب امي والله مكان اصدك يعني بعد اكو مثل هيج حب عذري و حقيقي
ولو قصتهم مو بهذا الزمن الجايف حشاكم المهم
وحدة بنت عراقيه من بغداد طالبة اعدادية تعرفت على شاب هم عراقي و من بغداد ايضا
هو اكبر منها بكم سنة تعارفهم بس بالعيون قبل الناس
كانت عدها حياء و خجل مو مثل هذا الوقت
طبعا هذا الكلام اني سمعته من خالتي و من بيبي ام امي الله يرحمها
وهاي الاحداث كانت بزمن النظام السابق يعني بحكم
صدام حسين . المهم الولد طالب جامعي و صار يلتقون تقريبا كل فتره يعني يشوفها من تروح للمدرسة
وماكو بينهم غير كلمة صباح الخير
ومرت الايام و السنين و البنت دخلت كليه وهو الولد صار طيار و تقدم الخطبة البنت والاهل وافقوا
وعلى اساس من البنت تخلص جامعه يتم الزواج وهو هم عنده ظروف بمكان عمله
وبيوم من الايام صارت مداهمه على بيت البنت واخذو اخوها لا والله اخذو البيت كله
و لي يوكع بيد امن الدولة مدري الامن العامة بعد شنو يطلعة الا يحتاج معجزة
و تحقيقات و طلايب و امور ماتخطر على البال المهم بعد فترة طلعوا الاهل كلهم بستثناء واحد من الاولاد وهو اخوها للبنت لان كان ينتمي لحزب البعث المنشق وتم محاكمته و اعدامه ويكولون بذاك الوقت يلي ينعدم ويكون معدوم سياسي
كل عائلته تنحط تحت المراقبه و يكونون عراقيين من الدرجة الثانيه
اني بالبداية مافهمت كلام بيبي بس من كملت كلامها فهمت شنو تقصد بعراقيين من الدرجة الثانية
يعني كل مميزات ماعدهم على كافة الاصعده مثلا هاي البنت صاحبة القصة يلي هي اخت المعدوم السياسي
طلعت معدل كلش قوي يدخلها طب بس لان هي اخت شخص معدوم سياسي نزل من معدلها وبدل ماتكمل كلية الطب يلي هي درست بيها سنتين تحولت اوراقها الى كلية الاداب جامعة بغداد و بالفعل كملت دراستها وصارت مدرسة يلي كان من المفروض تكون دكتورة وطبعاً خطيبة فسخ الخطوبة منها وهو مجبر لان بوقتها كان يلي يعمل عند الدولة مستحيل يرتبط بوحده يكون احد اقاربها معدوم سياسي و اقاربها من الدرجة الاولى يعني اخ اخت اب ام عم خال وهكذا اقارب من الدرجة الاولى و من بعد مافسخ الخطوبة الولد انقطعت اخباره او موجودة اخباره بس بشكل قليل اما البنت اتقدم الها اكثر من شخص وكانت ترفض الزواج و مرت السنين والبنت كبرت و صارت احداث 2003 والحرب و السقوط وكل هاي الامور و صار عمر البنت 41 سنة وهي من دون زواج بعد خلص فاتها القطار بس الحلو بكل هاي الاحداث ان بعد السقوط تحديدا بسنة 2005 اتقدم شخص لخطوبتها وهو رجل بعمر 56 سنة و هو ايضا شخص اعزب و البنت وافقت على الزواج من هذا الرجل يلي بعمر 56 سنة وهاي اول مرة هي توافق على الزواج من بعد فسخ خطوبتها من حبيبها الطيار من سنين فاتت
بس هم خطر ببالكم منو هذا الرجل الاعزب يلي بعمر 56 سنة ؟
هذا هو نفسه الطيار خطيبها السابق طلع هو الاخر هم
عاش كل هاي الفتره من غير زوج
وحاليا هما الاثنين متزوجين وعايشين خارج العراق


الله عليكم بهذا الوقت الحالي هم اكو مثل هيج
حب ؟ لا والله مااعتقد كو

هاي قصة حقيقية لوحدة من اقارب امي
طلع الوفاء عند نساء اهل امي متوارث هي وحده من
القصص العجيبة يلي بعائلة اهل امي