سوالفنـا عراقيـة .

[αʅƚαɳ]

ــ كلتلي: ختولي وحده كلاوچيه هاي روح افتح الباب دزيتلك حميد بيده ماعون كليچه بس شنوو خرافه وبداعه.
ــ كتلها :اها حميد يمه هاااا حميد...
هلا بجيتك يمه والكليجة جيت مطر تغسل عجيجة شوفتك؟
تمر الحله يفطر صايمنه ريجه لو لبسة العيد نتباهى بجديدة....
اها حميد يمه....
وهلا بابن اختي.....

 

[رودينا]

هذا أكو واحد يگول:
فد يوم صعدت كيا والسايق مشغل أغاني عالية حيل ويدگ هورن وماخذ الشارع عرض بطول
والعجيبة انو ماكو أحد من الركاب أعترض على تصرفاته وكلهم ساكتين... يگول اتشجعت وگتله:
(عمي بعد عمك ترى مو هيچ السياقة،
شوية نصي المسجل وسوق على كيفك !!)
يگول السايق إلتفت عليّ وگلي:
عمي أنت أصلاً صعدت ويانا غلط
أحنا عائلة ورايحين لعرس أخوي
وأنت من صعدت وي اخواتي اني ماردت أفشلك
وگلت أوصلك بطريقي
يگول من فشلتي گمت أهلهل وياهم

 

[العذبه]

‏قالت لزوجها

الدكتور قالي حتى أتغلب على
التوتر والأرق اللي عندي لازم اروح
شهر على البحر وأسبوعين بالجبل
وأسافر بالطيارة لمدة أسبوع
وين ناوي تاخذني اول شي!

قال زوجها:
عند دكتور ثاني!!

 

[سامح]

هاي اول ما اجينا للدنمارك وما نعرف لغة خلونا بسكن بالمزارع على ما يفرزونا
وواحد عراقي شاف اغنام بالمزرعة وسئل صاحبها واشترا خروف ويريد يصعده
للباص (حافلة الركاب) حتى ياخذه للمدينة فسايق الباص ضل يصيح عليه يكله
نو نو وهذا يكله واي ؟ يكله نو نو فنزل هو والخروف
فاجت فد عجوز اوربية وشايله كلب صغير على ايدها وصعدت

فصار عصبي صاحبنا العراقي ومايعرف لغة صعد بالحافلة وكال للسايق وهو عصبي

ميع ميع ننو ؟ و حو حو ييس ؟

 

[مـــجيـّدالسيــــد]

البك هالايام يشيل
البطانية ويكلك تريدها بالعضلة لو بالوريد

 

[سعد العراقي راقي]

اكو واحد متزوج وحده (عوره) اسمها (سعيده)
هاي سعيده خطيه مبتليه على عمرها لان عوره كلما يطب للبيت ويطلع يكفخ بيها وهي ساكته ماتكدر تحجي لان بس تحجي يطلكها
فمره زوجها طالع للسوك يتسوك وتعارك هو والكصاب
الكصاب قوي وعضلات فضرب زوج سعيده على عينه وطفى عينه
راح للمستشفى وضمدو عينه وكاله الطبيب هاي عينك بعد انتهت راح تصير اعور
فرجع للبيت وهو بالطريق يفكر ؟؟
كال انا صارلي سنين اكفخ على سعيده لان عوره فهاي اكيد( راح تطلع القضى والمضى بيه)
ففكر فكر فكرفكر شيسوي علمود سعيده ماتعامله نفس معاملته الها من جانت بس هي عوره
دك الباب وفتحت الباب سعيده
من شافها هوس هاي الهوسه(الاهزوجه)

(يسعيده من الله تساوينه)

رباط السالفه (لاتحتقر غيرك فقد يبتليك الله بما ابتلاه به)
وسلامتكم

 

[مـــجيـّدالسيــــد]

الحمد لله تعدلت نومتي بعد ما كنت انام بشهر رمضان بالخمسةالفجر
هسه انام بالسبعةالصبح

 

[رودينا]

واحد يمك يكول : شلونك؟
تجاوب : الحمدلله
وتكتشف انه يتكلم بلتلفون
والمشكله الاكبر اذا اكو واحد ثالث منتبه
يارباه

 

[مـــجيـّدالسيــــد]

ليتني كنت أذاكر أولًا بأول.

- نزار ندماني.

 

[مـــجيـّدالسيــــد]

حافظ على ألي يحبّك خصوصاً اذا ما بيك شيء ينحب أصلاً .