رد : سيب كلمة لحبيبك
سالفة عجبتني
اكو واحد يگول چنت يم الحلاق ، حتى أزين ، وأجه واحد مخبل لابس دشداشة گصيرة وكفشته شكبرها ويمشي ويصيح
خمسة .. خمسة!!..الأخ الحلاق طرده بالگوة وظل الزلمة يصيح خمسة .. خمسة
آني خفت گلت ذوله الأوادم نوبات يشوفون اشياء احنه ما انشوفها ، يجوز أكو قنبلة وراح تنفجر بعد خمس دقايق كلشي يصير ....وضليت خايف
واحد گاعد بمحل الحلاق گالي
خطية هذا تخبل على ولده الخمسة استشهدوا وهسة يمشي ويتذكرهم ويصيح خمسة!!.. آني ضجت عليه وگلت يعينه الله
ومن طلعت ومريت على أبو المخضر هم لگيت المخبل گدامي ويصيح خمسة .. خمسة سمعت أبو المخضر يحاچي صاحبه يگله
تشوف هذا المخبل هذا كتل خمس زلم وتخبل وهالتشوفه يمشي ويصيح خمسة !!..
شوية وأجت مرة چبيرة تلگط بتيته وتباوع للمخبل وگالت بصوت ناصي هاي تالية الياخذ خمس نسوان خبلنه وطيحن حظه وخلنه يذرع شوارع!!..
مشيت لابو الطرشي چان يباوع للمخبل وسمعته يگول
حگه يتخبل أنسجن خمس سنوات على سالفة هو بري منها ..آني دخت من هالشعب ، اليرهم سالفة لكل شي
المهم.. رحت لابو الغذائية أشتري عدس ... لشهر رمضان لان الحصه الي اطوها ماكفت بس جم يوم .... بالصدفه أجتني بنت شابة حلوه گالتلي شلونك عموو !!
كلت بكلبي عمو شنو؟عمه بعينج گلتلها هلا بيج عمي منين تعرفيني ؟ گالتلي آني بنت حجي حسين بنفس شارعكم شفتك من بعيد عبالي غير واحد بس من شفتك تشتري عدس گلت اسلم عليك .. وشوية ومر نفس المخبل هي شافته وگالت شوف عمي هايه شلون دنيا غبرة هذا بنته عمرها خمس سنوات خطية وأنخطفت وكتلوها وتالي هذا حاله!!
وبعدين گبل لا أطلع من أبو الغذائية صار گبالي هذا المخبل آني مديت أيدي بجيبي وطلعت الف دينار گلت خل أنطيه صدقة عني وعن والدي وعن والد والدي وآني وبلا فخر ما تمر سنة اذاماأتصدقلي بألف، نوبات وحتى الف وربع المهم ..أنطيت الألف للزلمة المخبل ومشيت وسمعته يصيح علي
ابو الشباااب !!!..گلت بگلبي يمكن رد عگل الزلمة من الألف مالتي وهسه صاحني ويترحم على موتاي
وگفتله أجاني وگلي ...نعله على والديك ما تشوفني أصيح خمسة خمسة تنطيني ألف شسوي بيه ؟ وفوك هاي المسبه من المخبل من رجعت للبيت وسولفت كل شي لزوجتي اشو عافت كل السالفه وچان تكلي إي وهاي بنت حجي حسين متزوجة لو لا ؟
اكو واحد يگول چنت يم الحلاق ، حتى أزين ، وأجه واحد مخبل لابس دشداشة گصيرة وكفشته شكبرها ويمشي ويصيح
خمسة .. خمسة!!..الأخ الحلاق طرده بالگوة وظل الزلمة يصيح خمسة .. خمسة
آني خفت گلت ذوله الأوادم نوبات يشوفون اشياء احنه ما انشوفها ، يجوز أكو قنبلة وراح تنفجر بعد خمس دقايق كلشي يصير ....وضليت خايف
واحد گاعد بمحل الحلاق گالي
خطية هذا تخبل على ولده الخمسة استشهدوا وهسة يمشي ويتذكرهم ويصيح خمسة!!.. آني ضجت عليه وگلت يعينه الله
ومن طلعت ومريت على أبو المخضر هم لگيت المخبل گدامي ويصيح خمسة .. خمسة سمعت أبو المخضر يحاچي صاحبه يگله
تشوف هذا المخبل هذا كتل خمس زلم وتخبل وهالتشوفه يمشي ويصيح خمسة !!..
شوية وأجت مرة چبيرة تلگط بتيته وتباوع للمخبل وگالت بصوت ناصي هاي تالية الياخذ خمس نسوان خبلنه وطيحن حظه وخلنه يذرع شوارع!!..
مشيت لابو الطرشي چان يباوع للمخبل وسمعته يگول
حگه يتخبل أنسجن خمس سنوات على سالفة هو بري منها ..آني دخت من هالشعب ، اليرهم سالفة لكل شي
المهم.. رحت لابو الغذائية أشتري عدس ... لشهر رمضان لان الحصه الي اطوها ماكفت بس جم يوم .... بالصدفه أجتني بنت شابة حلوه گالتلي شلونك عموو !!
كلت بكلبي عمو شنو؟عمه بعينج گلتلها هلا بيج عمي منين تعرفيني ؟ گالتلي آني بنت حجي حسين بنفس شارعكم شفتك من بعيد عبالي غير واحد بس من شفتك تشتري عدس گلت اسلم عليك .. وشوية ومر نفس المخبل هي شافته وگالت شوف عمي هايه شلون دنيا غبرة هذا بنته عمرها خمس سنوات خطية وأنخطفت وكتلوها وتالي هذا حاله!!
وبعدين گبل لا أطلع من أبو الغذائية صار گبالي هذا المخبل آني مديت أيدي بجيبي وطلعت الف دينار گلت خل أنطيه صدقة عني وعن والدي وعن والد والدي وآني وبلا فخر ما تمر سنة اذاماأتصدقلي بألف، نوبات وحتى الف وربع المهم ..أنطيت الألف للزلمة المخبل ومشيت وسمعته يصيح علي
ابو الشباااب !!!..گلت بگلبي يمكن رد عگل الزلمة من الألف مالتي وهسه صاحني ويترحم على موتاي
وگفتله أجاني وگلي ...نعله على والديك ما تشوفني أصيح خمسة خمسة تنطيني ألف شسوي بيه ؟ وفوك هاي المسبه من المخبل من رجعت للبيت وسولفت كل شي لزوجتي اشو عافت كل السالفه وچان تكلي إي وهاي بنت حجي حسين متزوجة لو لا ؟
