شاعرا تغنى بحالي..

[العـ عقيل ـراقي]

رد: شاعرا تغنى بحالي..


عودتني انتظر وارسم على الايام
موعد
عودتني العيد يعني الناس
وياهم اعيد
كتلي من يعتك جرح جرحين
يتلاكه وجعها
وعودتني
السفن من تصفح كبال الريح
تتمزك شرعها
كتلي ماتبكه سفن والناس
يعيروها خشب عادي
ويغركها دمعها
كتلي ياسفان لوضلع السفينه
ينكسر
كل ضلع منه ضلعها
ردت اكلك والتهينه وفاركتني
ردت اكلك عودتني
عودتني
أترك أبيتك بطاقة عيد وموعد
واكتب أبابك اذا مسافر
جلمتين
ولكيتك سافرت من غير رجعه
وعودتني ..


مظفر النواب.

 

[العـ عقيل ـراقي]

رد: شاعرا تغنى بحالي..

جرس عطلة..

مالَه أحٌد شغُل بيه.. جرس عطله

حيل أدكَ نوبات وحدي !!

أبجي وحدي .. أحجي وحدي

آخذ المدرسه عُرض إبطول وحدي

أطفه وحدي بلايه أحٌد وأشتعل

جرس منٌي وبيٌه وحدي أشتُغُل

كَِلتْ أكَضي الظلٌنْ إمن أيامي

أتفرٌج

إمنْ الشباج عالدنيه وهلها

ولَنْ بالشبيبيج الكَبالي إتِلَجلَجْ

كَامَه من بَلوٌر

شِكلَتني إمنْ عيوني شَكِلْ!!

غَمٌضيتْ إبربع جَفٌي

وبثلثْ ترباع شفت الدنيه مزروعه كُفُر

مشمش حلو ..

ورمان ...

وفَر بيه الخِصِر فرٌة حِجِلْ !!

صِحِتْ سبحانَك شَكَلٌكْ ؟ ؟

كُفُر .. وجَنٌه .. وشِتا

وصيف .. وربيع

!! إبجَسَد واحد

مِنْ سمَعني المشط من إبعيد

إتمَركَص إتمُركَص عالهَوه

وعضٌاني ..

بسْ عضٌة طفل

عَضْ بعَد .. عَض بعد

يابَعَد روحي

تلفَنتْ للجنٌه من شبٌاجَك الجدٌام بيتي

وبالغَلَط فَرٌيت رقم النار بيٌه

فُر بعَد .. فُر بعَد

بس فُر عَدِلْ

مالَه أحٌدء شغُلْ بيٌه

جرس عطلَة صيف ومتاني المدارس

أدِكَ وحدي بلكن إيكَطعَنْ العطله

ويشتِهَن دكَاتْ كَلبي

كِل كَصيبه إتكَلٌك آنه

وكل خصِر محبَس عرس ويكٌَلٌك إلبَسْ

وإنته نازع نفسَك إمن إزمان

وتلملم سَكتٌكْ

جيت للدنيه نزِلْ .. ومسافر ألله وياك

للسلطه نزِلْ

ياجَرس يالعِشتْ وحدَك

ساكت إمن أيام ماواحد يسمعَكْ

تعَبْ ؟ ؟ لو مَلٌيتْ

لو رنٌاتك الحلوات

ماعادَنْ بنات التكي والزعرور يلتَمٌن عليها

ياحسافه ياجرس

كل ساع رنٌاتك عرس

بس الوكت كلٌشْ نحس

كلٌشْ نحِسْ


مظفر النواب..

 

[العـ عقيل ـراقي]

رد: شاعرا تغنى بحالي..

أرحني قليلا فإني بدهري جريح

لكم نضج العنب المتأخر

وان طرقت بعض حباته

كن يدا أيها الحزن

وأقطف

ولا تك ريح

رمتني الرياح بعيدا عن النهر

فاكتشفت بذرتي نهره

غطت الدرب

والفتية المنتمين إلى اللعب

والخطر البرتقالي في حدقتا الزقاق

وتدخل غرفة نومي

وهذي رسومي....وهذا صباي الحزين

وتلك مراهقتي في شبابيكها...ولهاث السفرجل

والشوق قد كبر عشرين عاما

وصار اشتياق


مظفر النواب..

 

[العـ عقيل ـراقي]

رد: شاعرا تغنى بحالي..

مظفر النواب..

اجيتك والسلف نايم
على رويسات اصابيعي
سريرك دخن بروحه
انفضحنه بريحة العطاب والعنبر
دخيلك هود النياران يامخلوك
صاحو ناس حجي مايلبس فوكه عكال
كل الصار
دخانه صغيره غيمة من جاسني حزامك
لكو حتى العشب محروك
ماعدهم شغل هل ناس
كالو شافو البوسات بل مضبوط
حلفو بالخضر بثوب شكد اجديد
جذابين
من سنين ثوبي من النهد مشكوك
ماطول الحجي الماصخ
يضل ماصخ
عليش نبوس بل مفرد
خلينه نتباوس كله بل مشمش
واذا كلش توازينه فواكه بوس بل صندوك
اكلك هاك اخذ.. الكاك فوك الهاك انته تبوكï»؟

 

[العـ عقيل ـراقي]

رد: شاعرا تغنى بحالي..

جفنك جنح فراشة غض

و احجاره جفني و ما غمض

يال التمشي بيا ويا النبض

روحي على روحك تنسحن

حن بويه حن

حن عمي حن ...

..

..

عيونك زرازير البراري

بكل فرحها بكل نشاط

جناحها بعالي السحر

و الروح مني عوسجة بر

ما وصل ليها الندى

و لا جاسها بقطرة المطر

وصفولي عنك يالنباعي تفيض

و تعليت ليلة ويا القمر

وصفولي عنك كل مسامة تفيض منك عطر

يالحسنك نهر..

تنزل بصدري ويا النفس

و بدمي غصبن تنعجن

و أشهق و اصعدك للسما

بحسرات و بعنة حزن

حن.. حن بوي حن

..

**********

شفافك ولا كولن ورد .....

عنابه معكودة عكد

تمتلي بكد ما تنمرد

لا هي دفو ولا هي برد

أنا بوصفها راح اجن

حن بوي حن

***************

سكتاتك تشكل خواطر بالقلب ...

مالي عرف بيهم كبل

مبروم برم الخياط يا ريان

و الخوصر خصر لف العقل

كل كلمة منك ...

نبعة البردين .. بالدلال ...

ما تحمل ثكل

وصفولي عنك

وردة من قداح ريش جناح

زاهي بالسحر

وصفولي عنك

شال منك غيظ بستان الورد

والنرجس الرايج سكر

حنو طواريز ولحن ...

و حنة حمامات السجن

حنة إلي ...

و حنة إلك ...

واللي يعجبه خلي يحن

حن بويه حن

*************

آنه من أشوفك

يمتلي الماضي الجدب

زهرات بيض من الوفه

وروحي سواجي من الحنين تصير

وأتنبه وكت بيها غفه

يا محجل إن مريت بيه ردود

أرد أردود بالعشرين ....

من عمر الجفه

وأنصف عمر منك

فما أنصفت إلا بالهجر ...

والهجر منك ما كفه

حتى الهجر يا روحي

منك ما كفه

وكلبي عله هجرك دوم يحن

حن ...

وآنه حن

وأنحبس ونه ...

ونمتحن

مجبور أرخصك على الدمع

شرط الدمع حد الجفن


مظفر النواب..

 

[العـ عقيل ـراقي]

رد: شاعرا تغنى بحالي..

 

[العـ عقيل ـراقي]

رد: شاعرا تغنى بحالي..

 

[العـ عقيل ـراقي]

رد: شاعرا تغنى بحالي..

 

[العـ عقيل ـراقي]

رد: شاعرا تغنى بحالي..

 

[العـ عقيل ـراقي]

رد: شاعرا تغنى بحالي..