بصمة بصوتي عالسريع
انتي يا اجمل بشر بالدنيه هاي
انتي يا اجمل حقيقة بالحياة
انتي نجمة بليل ضوت في سماي
فدوه والله تروحلج كل البنات
نهر روحي من عطش صرتيله ماي
يالحنينة والله احبج للممات
انتي.. انتي
يا اجمل نسيم بليلة كَمريه
شايلج بكَلبي أفكار عذريه
يـ الكلج ترافه ورقه وأشواكَـ
يمن فدووه رحت للكلهه حنيه
اغيب وابتعد وانتي بوسط هالروح
واسهر بس الج بليلي وتواليه
وشنو هو العمر واسمج فلا بيه
ما اريد الحياة وانتي مو بيَ
حبج جن قصيدة وأحلى الابيات
وباجمل شَمَم تنصاغ ليلية
احب اسمج واحبن كل حرف بيج
حورية بحر وانتي العراقية
وعلى ساحل بحر والدنيه اغروب
حضنتج والكَمر لحظاته سحريه
وجهج والكَمر عبالك اخوان
وانا المنبهر بيج وصافية النيه
ويا نية البريئة التبقى وياج
وانا بحضني الانوثة واحلى بنيه
هيج من اندمج بافكاري والله
اطلع الشوكَـ كله بلحظة ناريه
واشهكَـ الف آآآه وانتي وياي
واحب اعجن بكيفي وعود معليه
ومو بس الخدود التنعجن واللــه
وعيب اشرح بعد وانتي الفراتية
يا اجمل لحن من بين الالحان
تبقين بحياتي اعذب اغنية
وتبقين بحياتي أغلى هالكون
تبقين العشكَـ يا اجمل بنيه
...
قلمي الان
الله الله
ما شاء الله
الشعر والالقاء وصوتك كلهم حلوين ربي يحرسك
وعاشت الايادي المبدعة وان شاء الله مستمر باعطاء
الابداع.. تحية لك من اخوك باقية الى الابد
