#شمس_ما_بتغيب
اكفهرّي يا شموس الحقد غيبي
عن هالوطن هالأبنو حبيبي
أنا :سنّي" أنا "علوي" و"شيعي"
"وصليب" الحاملو عيسى صليبي
أنا من الساحل من اللاذقيّي
أنا من الشام من حمص العديّي
أنا لي في حلب عمّي وخيّي
أنا بحاضر حماه خالي ونسيبي
أنا من ادلب ودرعا واريحا
أنا من الجسر من قلب البطيّحة
أنا درزي وآرائي الصحيحة
القريّة ضيعتي وفيها قريبي
أنا من الدير أبن الحسكة رفيقي
أنا من البادية البدوي صديقي
أنا من عزاز أنا الكردي شقيقي
أنا زيدي وفي الزيدي نصيبي
أنا من سلمّية من هالضواحي
أنا من سورية من كل ناحيّ
أنا الإيمان في وطني سلاحي
الوطن ألنا وملكنا يا شبيبي
أنا من الحنفي والمالكيّي
أنا من صلب أهل الشافعيّي
أنا من الحنّبلي والجعفريّي
أنا ديني بأعمالي وطيبي
أنا عربي قبل هذا و هذا
قريشي جاهلي لغتي مجازة
لماذا لحقد قلّولي لماذا
لصالح قبضت اليدّ الغريبي
أنا العربي أخي قبل الخلافي
وفي عهد الرسول الجوّ صافي
بني قومي كفانا حقد كافي
قلّت عقلنا أصل المصيبي
أنا عربي وقرآني دليلي
كما أنجيل يوحنا حكيلي
رسل قد وجهونا للفضيلي
مش للقتل عمداً والنهيبي
علي عندو بنت أسما سكينة
تزوّجها عمر منّا وفينا
وأبو بكر الأخد بنتو نبينا
زواج بحقّ شرعي مش غصيبي
وعثمان الذي أعطى محمد
له بنتين بغضو ما تعمّد
هاك الأيام مافي بغض أسود
عجيبي كيف ننساها عجيبي
بعد عهد الرسالة يا رفاقي
جداول قسّمونا مع سواقي
وخافو يوم ان صحّ التلاقي
يرجع خالد وخولة الأديبي
هذا ما قالة في ثمانينات القرن الماضي الراحل شاعر الزجل ابن قرية شير البهلولية
احمد ابراهيم سعيد ( ق ) ابو نزار ...
لروحك الطاهرة السلام
⚘
اكفهرّي يا شموس الحقد غيبي
عن هالوطن هالأبنو حبيبي
أنا :سنّي" أنا "علوي" و"شيعي"
"وصليب" الحاملو عيسى صليبي
أنا من الساحل من اللاذقيّي
أنا من الشام من حمص العديّي
أنا لي في حلب عمّي وخيّي
أنا بحاضر حماه خالي ونسيبي
أنا من ادلب ودرعا واريحا
أنا من الجسر من قلب البطيّحة
أنا درزي وآرائي الصحيحة
القريّة ضيعتي وفيها قريبي
أنا من الدير أبن الحسكة رفيقي
أنا من البادية البدوي صديقي
أنا من عزاز أنا الكردي شقيقي
أنا زيدي وفي الزيدي نصيبي
أنا من سلمّية من هالضواحي
أنا من سورية من كل ناحيّ
أنا الإيمان في وطني سلاحي
الوطن ألنا وملكنا يا شبيبي
أنا من الحنفي والمالكيّي
أنا من صلب أهل الشافعيّي
أنا من الحنّبلي والجعفريّي
أنا ديني بأعمالي وطيبي
أنا عربي قبل هذا و هذا
قريشي جاهلي لغتي مجازة
لماذا لحقد قلّولي لماذا
لصالح قبضت اليدّ الغريبي
أنا العربي أخي قبل الخلافي
وفي عهد الرسول الجوّ صافي
بني قومي كفانا حقد كافي
قلّت عقلنا أصل المصيبي
أنا عربي وقرآني دليلي
كما أنجيل يوحنا حكيلي
رسل قد وجهونا للفضيلي
مش للقتل عمداً والنهيبي
علي عندو بنت أسما سكينة
تزوّجها عمر منّا وفينا
وأبو بكر الأخد بنتو نبينا
زواج بحقّ شرعي مش غصيبي
وعثمان الذي أعطى محمد
له بنتين بغضو ما تعمّد
هاك الأيام مافي بغض أسود
عجيبي كيف ننساها عجيبي
بعد عهد الرسالة يا رفاقي
جداول قسّمونا مع سواقي
وخافو يوم ان صحّ التلاقي
يرجع خالد وخولة الأديبي
هذا ما قالة في ثمانينات القرن الماضي الراحل شاعر الزجل ابن قرية شير البهلولية
احمد ابراهيم سعيد ( ق ) ابو نزار ... لروحك الطاهرة السلام
⚘
