طحت من جنطة سفركم وطن تايه
تهت من ليل الخذاكم حلم ذايه
لحت من دخانكم وجه الضباب
بعين مسلولة نظر
والظنون التجزي گبل الشوف حيطان السراب
تستلذ بيها الصور
وانا دوم اشتل صوركم وأجني دمعة
وصوتكم مو يمي بس بروحي اسمعه
الظلمه تلچمني واطيح بصفها شمعة
وكل شي ما يشبهكم يكمّل لهفتي
من الدروب المامشيتوها المكم ذكرى وارجع
وانچفي وياها بغرفتي
وانسد اباب الحچي المابي ذكركم
وانتو شيشة عطر صارت من نصيب المايشمكم
يا بعيدين وعذركم مو وياكم
وين اصادفكم ذنب يغفر عذركم
وين اوّگف ريتي وتمروها نسمة
الصدفة موعد مامحدد
نيّة الطافين نجمة
يا نجم ذيچ الليالي البيها چنت ادريبك اشگد
بالك بسوگ الغفه يعرضوك مرود
العالي من ايطيح عالمو عالي ينعد
والنهر من دون جرفه منين ما ينحاف ينهد .
الشاعرة ايما صباح
تهت من ليل الخذاكم حلم ذايه
لحت من دخانكم وجه الضباب
بعين مسلولة نظر
والظنون التجزي گبل الشوف حيطان السراب
تستلذ بيها الصور
وانا دوم اشتل صوركم وأجني دمعة
وصوتكم مو يمي بس بروحي اسمعه
الظلمه تلچمني واطيح بصفها شمعة
وكل شي ما يشبهكم يكمّل لهفتي
من الدروب المامشيتوها المكم ذكرى وارجع
وانچفي وياها بغرفتي
وانسد اباب الحچي المابي ذكركم
وانتو شيشة عطر صارت من نصيب المايشمكم
يا بعيدين وعذركم مو وياكم
وين اصادفكم ذنب يغفر عذركم
وين اوّگف ريتي وتمروها نسمة
الصدفة موعد مامحدد
نيّة الطافين نجمة
يا نجم ذيچ الليالي البيها چنت ادريبك اشگد
بالك بسوگ الغفه يعرضوك مرود
العالي من ايطيح عالمو عالي ينعد
والنهر من دون جرفه منين ما ينحاف ينهد .
الشاعرة ايما صباح
