رد: طفولة الاعضاء ~[5]
السلام عليكم ورحمة الله وبركاته
اسعد الله اوقاتكم بكل خير
نفوت بالاجوبة عااا
لعبتك المفضلـة وانت في مرحلة الطفولة!
والله اقوة لعبه لعبتها وحسيت بيها مغامرة هي الطش جرس جارتنة ام حسين بكباية من الجير واشرد واخلي الجرس معلك ههههههههه لا وورة اشوي اجي عود استفسر منو حط الجير بالجرس ... ههههه عااا
ولعبتي المفضله الدعابل والجقه شبر هع عاا من اجمل ذكريات الطفولة
ها والي يحب يسأل ع ام حسين اخر الحلقة لزموني دك كتل هع عاا وابوي عاد علي نسخة الكتل بس بشي اقوة ما اكدر اذكر الوسائل اخاف تعرضوني للامم المتحده ههههههه عااا
نشيد كنت تحب/يه أيام الطفولـه ؟
شي اكيد كابتن الماجد وومقدمة كابتن الرابح والمقاتل الصعب ..واناشيد دينية هواي مثلا فرش التراب ... الموت هين والبلاوي وش وراء الموت هذا النشيد عيشني بخوف .... جنت اصلي واني عمري 5 سنوات واني كلشي ما فاههم من الصلاه بس المهم اصلي ههههه عااا .... الله يسامحهم مخوفيني واني من الصغر هع عاااا
شخصيه كرتونيـه كنت تحب/يهآ ؟
ك العادة كابتن الماجد وكابتن رابح ... وصلت لدرجة البجي هع عااااا
او بجيت ماكو شي ينظم عليكم هع عاا ... وعدنان ولينا ... والرائع موكلي عاا
دوق فليد .... اصبح على افلام كارتون واغمض على افلام كارتون مع الاسف هع عااااا
ولا زلت الى الان في وقت فراغي اعيد لو شي بسيط من هل ذكريات عااا
كيف كنت أيام طفولتك شقيـ/ه ام هادئـ/ة ؟
الحمـــــدلله ... عشتها بما يحلوا لي ... صح امي جانت تبسطني وتحبسني بالبيت بس جان عندي امل انو تجي ام جيرانة واخذها فرصة واطلع بالشارع هع هع عاا
واذا ما اجت ام جيرانة ف اكتفي بالنظر من تحت الباب هههههههههه هاي اصعب لحظه بحياتي للاسف... نبع الحنان جانت مسوية عليه حصار سياسي واقتصادي وتجاري هع عااااا
ماهي المواقف اللي عرضت فيها أهلك للإحراج ؟
هواي مواقف ... بس ابوي جان واكف وياي يعني يدعمني بأي شي اسويه وما اظن سببت لاهلي احراج لان اني الجبير والجبير دبير هع عااا بس احراجات بسيطه هواي عاااا
هل كانت شخصيتك قوية أم مغلوب عليها ؟
قوية ولست بجاكي شي عاااااا
موقف حصل في طفولتك كان له دور في تغيير مجرى حياتك ؟
السمنه جانت عندي شي لا يصدق
لكن في يوم من الايام بديت بالانتظام والتمرين ووكدرت احطم ارقام والحمدلله هسة وصلت لبطولات والقادم اقوة
اهم شي بالحياة انو يكون عندك هدف ... هدف مو الا شهادة ... هدف وخبرة اهم من هاي الامور .... اصنع شي يذكرك بي الي يجي من بعدك .... ولا تخلي فكرة انو الهدف ماتوصله ... بالعكس كافح توصل الى مبتغاك .....
أكبر عيديـه جمعتـ/يها كم ؟ ومن مين ؟
عيديات هواي جمعت وصلت الى ارقام محطمة للبورصة العالمية
ابوي عمامي 7 وعماتي 4 وخالتي 4 وخال 1 اعدد لو كافي هع عااا
ما هي تسريحتك المفضلـه ؟
تسريحتي .... اني شعري تسريحة وحدة من انولدت ليهسة
اول تسريحة جانت تشبه المرحوم عبد الحليم حافظ هههههههههههه عاااااا
والتسريحه الثانية بفترة يمة كرصتي عكربة هههههه
والتسرحية الثالثة كلب كلب هع عاااا
من كـآن يدلعك أكثر أبوك أو أمك ؟
امي اكيد ... ابوي يدلعني بكلمات اذا اذكرها هنا جوز انطرد واني بالباب هههههههه بس رغم هذا الحمدلله ههه عاااا
اســم دلعك بالطفولـه لحد الآن ينادونك فيـه ؟ وماهو ؟
اسمي لحد الان يدلعوني بي ) ملوكي
قناة الكرتون المفضلة لديك ماذا كانت؟
شي اكيد اي ارتي انغلقت من زمان
بطفولتك كنت تبكي إذا ماجلست بالاول بالطابور أو الفصل ؟
اني من عشاق الطابور الاخير .... لان هناك تدور الاعمال التخريبية ......... واهم عمليه قمت بيها الف ورق واسويه صغار صغار ... واضل اشمر هذا التجي بخشمة والي بحلكة هههههههه عاااا
فلذلك تتطلب العمليه تكعد بالطابور الاخير
لكن رغم هذا وصلت لمرحلة متقدمة بالدراسة ... لكن الفرصة ماسمحتلي اكمل ... لاسسباب أمنية للاسف
هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟
مع الاسف لاتوجد
اكـثـر حلاوة كنـت تحـبـ/يهاا ؟
الهريسة ... الي لعبت بيه طوبة هههه .... وجانت بالبصرة تنطبخ كل عام ... بالزيارة الاربعينة عند اخوانة الشيعة .. وجنت اول واحد لازم جدريتي وكاعد باب الحسينية ... احجي سابقا .... هسة اصبح الاكل بالشوارع ومابي ذاك الطعم ما اعرف ليش للاسف عااا
اسم اول معلمة درستك ؟واسم مدرستك!
ستاذ عدنان .... من المعجبين كلش بشخصيتة وجان يفضلني عن الكل .... والاستاذة ست ايمان ... .تسميني المشعوذ هههههه عاا
هـل كـنت تـعانـي مـن اخـطاء فـي مخـارج الحـروف ؟
شي اكيد جان عندي حرف السين بس بعدين اختفى للاسف ... ياريت لو يرجع هع عاااااااا
موقف بطفولتك ما تنسيه/تنساه ؟ ولماذا ؟
مواقف الاحتلال الامريكي .... مريت بطفولتي بحرب شوارع للاسف
والقصف وكل انواع التخريب شفته كدامي بمعركة الفلوجة الاولى والثانية ....
اما المواقف الكوميدية
اكو فد موقف كلش قوي ههه عااا
مرة جنت راجع من المدرسة وكان دوامنا صباحي والبنات مسائي خهههههه الباقي اذا اكملة وربكم تنطوني بلوك هههههه عاااا
بس هو موقف مضحك ومميت وربي عااااا
أجمل رحلـه طلعت فيها بطفولتك ؟
الحبانيـــــــة
كانت من اجمل البحيرات الي شفتها ....
ابدع فيهاالي سواها لاذكر اسمه ف التاريخ جدير بذكر اسمة
مكان معلق في ذاكرتك من طفولتك ؟ ولماذا ؟
منطقتي الي جنت عايش بيها ... سبب اايام حلوة بحلوها ومرها ... وجنت اعيش قصص حب ... بنص ساعة هههههههه عاااا
مين أقرب صديق في طفولتك وهل كانت بنت ولا ولد ؟وهل مازالت علاقتكما لليوم قائمة؟
صديقة قديمة وكردية... بس تواصلنا من فتره لفترة ... واصدقائي من الشباب لا يعدون ولا يحصون عااا
شكرا من القلب لنغومه الراقية على الاستضافة
واعتذر اذا أتأخرت بالرد .... بس العمل ماخذ كل يومي
ويارب كنت خفيف الظل ِِ. وهاي طفولي بمختصر بسيط
يعني طفولتي اضعاف الي جاوبته.... بس اكتفيت بقدر كلش بسيط
تحياتي
هههههههههههههه تدري اكو شووووية تشابه بقصه الجرس مال جارتكم بين طفولتك وطفولتي خخخخخخ
ترا اني كلش كنت شرانيه ومشاغبه خخخخخخ
بس صدك صدك انبسطت كتيييير باجوبتك وطفولتك مال طراكيع مدري براكيع
طفوله شيقه جدا ههههههههه واستمتعت كلش باجوبتك والله
نورت صديقي الغالي وربي يحفظك
)
