عالعقيله لو ردت تكتب سطور
انت لازم تنحني وتاخذ سلام
اي نعم تاخذ سلام لبت امير
غصبن اعليك وعليه الاحترام
كل شخص يرسم صور بيهن عتاب
شي مؤكد هالشخص عنده انفصام
ابد لا تكتب صور ذل وانكسار
خلي ابياتك گمر يطرد ظلام
عن لسان الحال تحچي بلا دليل
ينهضم من حچيك ارماد الخيام
لا تخلي بت علي بموقف ضعيف
خلي وزنك بالخجل عنده التزام
راح اگلك شنهي زينب عن يقين
مايهمني اي تنازع واختصام
هي صديقه وعظيمه وسر بتول
آيه من فكر النبي خير الانام
هي بضعة حيدره وفصل الخطاب
اخذت اشرف منزله واطهر مقام
هي مملكة الخدر وام الحجاب
بالعقل والعفه عدهه اعظم وسام
هي ذوالفقار لو رادت تصول
هي ثوره وهالدرب بيهه استقام
هي منهج للبلاغه بلا نظير
ماتوصفهه القصيده ولا كلام
هي دمعه ورفضت الذل والخضوع
هي شهگه لفضحت اولاد الحرام
هي صوت لكل ضمير العارفين
هي مأوى ولمت اسرار الكرام
لا تظن زينب مثل باقي النساء
هالاميره اتعينت بامر الامام
تحقق اهدافه اذا حل المصاب
تعرف اسرار البدايه والختام
عدهه عِلم ومعرفه وعزه وشموخ
عدهه واجب يستحق منهه اهتمام
زين تدري بكربله وكلشي ليصير
تعرف اهداف الدعي وكل المرام
بدقه رسمت كل تفاصيل الطريق
عالالم ويه الحزن فرضت صيام
وحده وحده حسبت كل الصعاب
كلشي جاهز بالكمال وبالتمام
حتى لسياط الدعي حطت حساب
حسبت سيوف العده ونوع السهام
ويه ابو اليمه انعقد آخر لقاء
حدد الهه الواجب وكل المهام
من كثر ذيچه المآسي والجروح
من سجود تصلي ماصلت قيام
ولو دعت زينب دعاء الطاهرين
چن قيامه تصير ويحل انتقام
لا تظل سيوف لا جيش وخيول
كلهه والله تنفني وتصبح ركام
الصغير المقصر
ابو لقاء البهادلي
انت لازم تنحني وتاخذ سلام
اي نعم تاخذ سلام لبت امير
غصبن اعليك وعليه الاحترام
كل شخص يرسم صور بيهن عتاب
شي مؤكد هالشخص عنده انفصام
ابد لا تكتب صور ذل وانكسار
خلي ابياتك گمر يطرد ظلام
عن لسان الحال تحچي بلا دليل
ينهضم من حچيك ارماد الخيام
لا تخلي بت علي بموقف ضعيف
خلي وزنك بالخجل عنده التزام
راح اگلك شنهي زينب عن يقين
مايهمني اي تنازع واختصام
هي صديقه وعظيمه وسر بتول
آيه من فكر النبي خير الانام
هي بضعة حيدره وفصل الخطاب
اخذت اشرف منزله واطهر مقام
هي مملكة الخدر وام الحجاب
بالعقل والعفه عدهه اعظم وسام
هي ذوالفقار لو رادت تصول
هي ثوره وهالدرب بيهه استقام
هي منهج للبلاغه بلا نظير
ماتوصفهه القصيده ولا كلام
هي دمعه ورفضت الذل والخضوع
هي شهگه لفضحت اولاد الحرام
هي صوت لكل ضمير العارفين
هي مأوى ولمت اسرار الكرام
لا تظن زينب مثل باقي النساء
هالاميره اتعينت بامر الامام
تحقق اهدافه اذا حل المصاب
تعرف اسرار البدايه والختام
عدهه عِلم ومعرفه وعزه وشموخ
عدهه واجب يستحق منهه اهتمام
زين تدري بكربله وكلشي ليصير
تعرف اهداف الدعي وكل المرام
بدقه رسمت كل تفاصيل الطريق
عالالم ويه الحزن فرضت صيام
وحده وحده حسبت كل الصعاب
كلشي جاهز بالكمال وبالتمام
حتى لسياط الدعي حطت حساب
حسبت سيوف العده ونوع السهام
ويه ابو اليمه انعقد آخر لقاء
حدد الهه الواجب وكل المهام
من كثر ذيچه المآسي والجروح
من سجود تصلي ماصلت قيام
ولو دعت زينب دعاء الطاهرين
چن قيامه تصير ويحل انتقام
لا تظل سيوف لا جيش وخيول
كلهه والله تنفني وتصبح ركام
الصغير المقصر
ابو لقاء البهادلي
