علمني الوكت من احجي طك بطك

[ملكة الرسم]

علمني الوكت من احجي طك بطك
ومازامط جذب لو جان مابيه
ولو ساكت اظل لو احجي جلمة حك
وماأمشي بدرب مجهول تاليه
ماكلك غشيم ولاانه المدكدك
أفرزن بالحجي وافهم معانيه
ولساني عدل والكلمة ماتزلك
والجمله بشفافي تصير وردية
الرابي وي البدو باللبن مايشرك
خوفك عالكبر وبحلكه مميه
شفت ناس اشكثرماتمشي بس بالدك
وشفت ناس عله راسي تصير بيريه
انه ابن التفك لو صار وكت الطك
وانه ابن الكرم لو ضيف مر بيه
ابن شط العــــرب سباح مايغرك
وابحر الشعر يرســـن قوافـــيه
ابمنكار الصكر شديت رجل الرك
لان شفت الصكر عالي بشواطيه
عذري الهوى صادق اذا اعشــــك
واذا افكر احب كون الا بصـــريه
لان حتى الصخر بالبصــــرة هم يعرك
وتراب الشوارع يحجي ابوذيـــه
من حقي افتخر بالبصــرة ساسي اندك
ومن دون الاســـماء البصـرة علوية
من صار الوطن بالعيد وجهه ازرك
ابدم اكبر ولدهه اتبرعت هيــــه
البصــرة ام ولد بالعيد ماصفك
لان أنطه لبلاده جفوفه عيديه
أفصل الليل شيله وشرط ماتعتك
واصوغ من الكمر للبصـــرة ترجيه
بالبصرة واحن للبصرة والهه اشهــك
ومابدل الدنيه كلهه ابتمره برحيه
ومابدل الدنيه كلهه ابتمره برحيه
منقوووووووووول

انشالله يعجبكم

وديـــ

 

[غزاله ماتنصاد]

رد: علمني الوكت من احجي طك بطك

شعر راااااااااااائع رااااائع

عااااشت ايدج عيوني

عجبتني القصيده هواااي
j-(

 

[ملكة الرسم]

رد: علمني الوكت من احجي طك بطك

مشكورة حبي منورة

 

[عراقي أنا]

رد: علمني الوكت من احجي طك بطك

جثير دروس وكتي .. علماني
وما ازامط واهنبل .. علماني
وتظل نار اعله راسي .. علماني
ويظل تاجي العراق وفخر ليّه


بقلمي

شكرا لروعت ما اخترتِ انستي ..

تحيااااااتي
​

 

[ملكة الرسم]

رد: علمني الوكت من احجي طك بطك

جميل ما نثر لنا قلمك اخي عبر صفحتي
نورت

 

[الشاعر الرياضي]

رد: علمني الوكت من احجي طك بطك

الله عليج يلغاليه
ماروع الكلمات ماسطرتى
مااجملانتقائك
شكراا جزيلا من قلبى لشخصك

 

[امير السراب]

رد: علمني الوكت من احجي طك بطك

صح لسانج خيتو عالكلام الرائع والمعبر
اللهم أحفظ لنا مدينتنا الفيحاء وناسها الطيبين
تحيتي وتقبل مروري

 

[خدعت روحي بحبك]

رد: علمني الوكت من احجي طك بطك

سلمت يداكي

شعر رائع

ماننحرم

ودي​

 

[ملكة الرسم]

رد: علمني الوكت من احجي طك بطك

اسعدني كثير مروركم عبر صفحتي
نورتو