عله غيابك هلت دمعتي

[ابو مناف البصري]

عله غيابك هلت دمعتي —- يعباس وزادت حسرتي
ابغربتي —————— وسفرتي
——————————————
اوداعت الله صاحت اجروف النهر
الجيتك ابقه متانيه طول الدهر
بساع رد لخيامك ورد الخطر
العقيله اخلافك اليوم ابكدر
على افراكك ناده الضعن — ياحيد وشفت المحن
ابغربتي —————— وسفرتي
——————————————من طحت طاحت انجوم من السمه
اتحوم ياعباس ظلت عالدمه
نهر جنه جودك اوفتها الرمه
وعلى اجروف الماي ظلت ملحمه
عله فكدك صاح الخدر—- ياخويه وضاع العمر
ابغربتي —————- وسفرتي
—————————————
دمع عيني اعليك يهمل يل كفيل
وعكب عينك خلي كل دمعي يسيل
اختك اني وحكي لو كلبي عليل
طفل يبجي والضعن رايد دليل
عكب عينك سال الدمع —- ياعضيد وراح الجمع
ابغربتي —————- وسفرتي
—————————————
حمل ضعني اعليك ينشد يل عضيد
اختك اني وحكي لو حيلي يبيد
هل دمع عيني ودرب ضعني بعيد
ياشهيد الماشفت مثلك شهيد
عله اصوابك زاد الحزن —- ياكفيل وطاح المتن
ابغربتي——————— وسفرتي
—————————————— كلب صافي كلبك اوفته القهر
وعله اخيام الشرف ناداه الفخر
واعيون اختك ذبلت او مسها السهر
ومن غبت ياكمر انظر ياكمر
عله امصابك زاد الألم —- ياكفيل وناده العلم
ابغربتي —————— وسفرتي
—————————————- هل دمع عيني وبكيت امحيره
ضعنك الخالي دليلي حيره
الضعن يمشي ونار كلبي اموجره
ورحت وي اعداي رحت اميسره
عكب عينك غاب الكمر —— ياخويه وزاد القهر
ابغربتي —————— وسفرتي
————- عبدالله خلف العتابي ——————

 

[mohammed.shams]

شكرا للجهود المبذولة

 

[mohammed.shams]

شكرا للجهود المبذولة

 

[الرااااكد]

يعطيك العافيه
على النقل
دمت بود

 

[الرااااكد]

يعطيك العافيه
على النقل
دمت بود