غريبة الروح...
لا عنوان عندي ولا مصد يحمي
ولا نبضة گلب محزون
ولا چلمة هلا...
منكم تضم همي
أشوف الناس تضحك...
وآني محزن دوم
ووجوه ألاحبهم
تنبض بدمي
ومن أرجع لنفسي...
بسكته اهيم الروح
واضحك من كثر غمي
أعاتب ليل كله هموم ...
واشوف الصدى ساكت
ما يعرف يجيب
وانه شايل همومك سيف
واضمّن بالسوالف.. راح كل ضمي
وأرد أحسب چثيره أحباب...
ماچنكم صدگ.. چنكم مثل حلمي
صرت بيكم غريب الدار...
ولحروف القوافي تشفع بهل حال
متعود يخط جدمي
غريب بوسط روحي... والوجع مرتاح
يوجعني ويگلي انطيك من وسمي
حتى تموت من شوگ العشگ مرتاح
وحروف الكتبها سطرك بقلمي
گلبي يا جنح مكسور ...
لا يگدر يطير
ولا بريشه جناح...
ويفضحهم وفاهم للمحب.. وهمي
أحاچي الصور بالحايط...
واناشدها على ايامي
وتكول اختفن.. بالرسمي
ترد بسكوتها الحسرة..
وكتبله بجرح بس كون يفهمني
كبرت يا جوه أحباب...
وصغر بعيوني قالبهم
لأن كل المواقف زيف...
ما صدّگ سوالفهم
تعلمت العمر بالمدرسة...
ودروس.. حكمة وعبره لليقرون
الخسارة بدنيتك ...
لا تثق بالحبيت
اوثق بليحبك .. كالك يمي
إذا مريت يوم وشفت بيه جروح...
ارسملك مشاعر گله من رسمي
ولا تسال اشصار ولا تذكّر الروح
غريبه الروح گله.. وكتبتك باسمي.
التعديل الأخير:
