Banned *
Banned
- إنضم
- 30 يونيو 2012
- المشاركات
- 296
- مستوى التفاعل
- 7
- النقاط
- 18
غرگان بنهر بس ما صحت للناس
ــــــــــ وصلت الجرف گوه وتعبن جدامـــــــــي
وتخيلت الجرف حضن أمي و ارتاحيت
ــــــــــ ونمت عالطين بس قصور بحلامــــــــي
وأجي بم الربع محتاج بس ما گول
ــــــــــ وعشت قمت غروري بأتعس أيامي
شعلت بروحي نار وگلت خل يدفون
ــــــــــ الدفو بچفوفهم والنار بعضــــــــــــــامي
انه أسماء الربع كاتبهه مو بوراق
ــــــــــ بعضت ندم كاتبهم على ابهــــــــــــــامي
وأمس لمن طحت سألوني ربعك وين
ــــــــــ گلت بظهري صارو من طـــحت دامي
وتردون الصدگ صارو بظهري شلون
ــــــــــ شردو من وراي وخصــــــــــمي گدامي
جبت شچم سهم كت ذني للكلفات
ــــــــــ وربعي بظهري جربو قوت ســــــهامي
أتلثمت ومشيت استحي جروحي وهواي
ــــــــــ العرگ ردته بگصصـــهم مو على الثامي
چنت كافر واجوني بحجة الإسلام
ــــــــــ والله تندمت لو باقي بصـــــــــــــــــنامي
ما رهمو حزام الظهري ما يسوون
ــــــــــ ما جابو ربع من قيــــــــــــــمت أحزامي
انه بيت الموده ودفت بيه أحلام
ــــــــــ وحتى أحلامي تبرد كســــــــــــرو جامي
انه مامتهم عايش مثل الحرار
ــــــــــ بس همه بگلبـــــــــــــــــهم نفذو إعدامي........