[frame="7 80"]
.
دربك مو كصير
تعوفني وتروح
يا حال المشاعر
ذبلن بهجرك
ترا شما غرتك دنياك
ما تنقاس
من تمشي وتامن
عاين لجرحك
خذيت اسرارهن
من التجارب هاي
كلمن عاف ناسه
تحجج بسدك
يا صرخه توالي الليل
تكتل حيل
تهز مهد المريض
تصيح شيردك
فرح صبيان عشنه
ولمة حديثات
لو كعدن سوالف
علّن بكدرك
ولو جاني الحلم بالليل
افرح بيك
من اتوسد ايدي
جنه يم خدك
عفاني شلون اواكح
يا نبع ريحان
ردت كلبك العندي
وكلبي العندك
لو يوكف نبض
بيناتنه مشبكين
تهدني الروح
غفوة شوك
وتهدك
نتشاوف بظهر
الغيب بس اثنين
واكلك ليش ماشي
وضيعت ودك.
سومري/حصري/.
