فرق بينك وبيني من السمه للگاع

[حمد الساهر]

فرق بينك وبيني من السمه للگاع


فرق بينك وبيني من السمه للگاع
انه ازرع ورد وچفوفك اتحشه
طيفك من يمر صدگني افرح بي
واذا طيفي يمرك رمشه ينشه
ضل ملكي وحيد الخاطرك يا حيف
أنته تشيل جندي وبيدك اتكشه
ماغشيتك اني وطبعي مو غشاش
ليش انته اليحبك طبعك اتغشه
شلت منك وحشتك من طحت بالظيج
جا هاذي جزاتي اتحطني بالوحشه
أصيحك ماتجيني وانته من اتصيح
أجي يمك گبل لا تكمل الرمشه
واذا بكلبك تسولف أسمعك شتگول
واذنك من اسولف تنگلب طرشه
نقشت احروف أسمك بالگلب عنوان
وانته اسمي بكتابك ترفض اتنقشه
على طولك أطشن ورد لو مريت
وعلى طول أسف گلبك حقد طشه
بدم صدگ ارشه الي يرشك ماي
والرشني بدمه چفك ورد رشه
جبت جدمك ابأرضي الشالت اعله اجبال
وانته تخلي جدمي ابأرضك الهشه
أنه كلي انكمش ما بيه شي مضموم
وانته المخفي كلك ما ألك كمشه
ما صدگ أبد تنساني يبن الناس
ولكن اني اعرفك للذكر تخشه
أنه عشك صرت لمن لفاك الظيم
والعنده وفه ما ينسه ابد عشه

 

[أرق مـن نسمہ]

رد: فرق بينك وبيني من السمه للگاع

حروفك تتساقط كالرذاذ
كالشمس تعانق الصفحات
بخيوطها الذهبيه
محمله معانيها
برائحة العطر الشذيه
سرت بأبجديتك هنا
قرأتها مراراً وتكراراً
دمت رائع

..

:x:
​

 

[ملكة الرسم]

رد: فرق بينك وبيني من السمه للگاع

كلمات تكتب بماء الذهب من روعتها
سلمت يداك اخي علتميز في الانتقاء

 

[الشاعر الرياضي]

رد: فرق بينك وبيني من السمه للگاع

الله الله
روعه يلغالى
كلمات واختيار
ممنون منك يلطيب

 

[ډۈڷـہ ۅ عـلـمٍ]

رد: فرق بينك وبيني من السمه للگاع

شششكَــرــآ على هــآلطرح ورده
ودي..~* ​

 

[حكاية روح]

رد: فرق بينك وبيني من السمه للگاع