فــتنة امــك جابتك وانه ابتليت
فتنه امك جابتك وانا ابتليت
وكبل لا تنـولد روحي عشكتك
وتدري ليش بجـــائزة نوبل افوز
لان انه المكتشف سر فتنتك
...
وتدري ليش الشمس تنزف بالغروب
لان يذبحها القهر من فركتك
وتدري ليش الكمـر يعلنها خسوف
لان فوك السطـح لالت وجنتك
وتدري ليش الصيـف ياكـــل بالشتاء
خاطر زنودك تغـادر سترتك
وتدري ليش السبت عطله بالعراق
لان بالجمعه الـــدوام ابحضرتك
وتدري ليش اوباما فاز بلا عناء
لان في وجهه سحـــر من كحلتك
وتدري ليش انته ابن عــم النجوم
لان شمس الكـــون طلعت عمتك
وتدري ليش العسـل ينضح من اديك
لان مملكة النحـل من ملتك
وتدري ليش الـــورده مصدر للعطور
لان من خدك يـروحـي شمتك
وتدري ليش اكلـوبنه تخدر عليك
لان كوكائين تـرمي نظرتك
وتدري ليش انذوب لو باوعنه ليك
لان يورنيوم مــوجة كذلتك
وجيب ليل واخـــذ منه التدري ليش
وتدري ليش احـنه ربحنه محبتك
درخ من جدمك الراسك دارخيك
والف من ميه نطــونه بحصتك
الناس تحتاج الشكر لجل الحـلاة
والشكر يحتاج بس الشفتك
