فك القيد
بالامس...
كنا لوحدنا
انا معاك ابتديت....
بحكايه تروي حبنا ...
عشناها بكل الوفا
فيها النقاوه والصفا
في يوم ما عنك غنى
قلتيها وصفقت لها انا
وفجأه ....
هالقيد انكسر
كدّرها الكدر
وانحرف فيها المسير
ليه ؟؟
وش اللي يسير
منك وانتي السبب
من غير ذنبا تشتكى
اليوم ....
جيتك اقول ...
وانا بنفسي عزيز
قرار ...مني صدر
بناء على المعطيات
فيه تحديد المصير
انا معاك انتهيت ....
اطوي صفحات الهوى
اودعتها كهف النسيان
ولا عاد يقلقني الجفا
حتى آهات الجوى
غابت وارتاح الضمير
منها ولا اشتكى
ولا احتري اسمع هلا
الصبح او عند الغروب
او حرف مدلوله غلا
*******
كنتي لي كل الغلا ...
في خافقي والجفون
وكنتي حبات النوى
انتي يا عطر الورود
كنتي لي ريم الفلا....
ياللي سميتك " هنا "
وعشنا ايام الهنا...
قبل ما يات حسود
او تغلقي عنا الحدود
*******
اليوم...
انتي في حل ورخى
في غيبتي والحضور
ما المساله حب ونفور
لكن.....
مثل ما قال المثل ...
" الاسد ...
ما تاكل باقي صيدته ...
الا الكلاب الضاله ".
هذي نهاية حبنا
اقولها بالمختصر
لا تعشق من يجهلك
او كان تحت المستوى
لا بد في يوم ما يخذلك
بقلمي ... القلم الانيق
من ارشيفي الخاص
