ههههههههههههههه
اني بس اريد افتهم شغلة
انت شعندك وياعالم الحيوان والصخول بالذات
ههههههههههههههههههههه شما اشوف
ابو الأكوان انت موغلي مدري موكلي فتى الأدغال
هي ماكو غيرها
وعليك الله هاي ايدك
شبي اصبعك مدوحس ههههههههههههههههه
منغولي اصبعك
صباح الخير كايز
صباح الخير كايزات
تتذكرون قبل كم يوم تعاركت وية الصخول وحصلت نطحة بايدي؟
دوس هنا
قررت انهي الخلاف وياهن ونتصالح ونرجع احباب مثل قبل وافضل
فكرت اخذ وفد من خيرة الأصدقاء حتى يصالحونا مع بعض
بس تذكرت كل أصدقائي يصيرون (جند الصخلة) اذا كنت اني طرف بالخلاف,,
وتأكدت شكد أصدقائي يحبوني
فكرت اخذ ادريس, @ward, او صديقتي اللي عجبتها الصخلة وكالت اكيد انت اذيتها واخذت نصيبك, سولفتلكم عنهم بالجزء السابق.
رحت لصديقة ثانية وصديق ثاني, وثالث وثالثة..الخ
كلهم اتفقوا الصخلة ام عيون حلوة وجرئية ما تعتدي على احد الا اذا ازعجها!!
تخيلو وحدة تكولي عدها شك تكون الصخلة نطحتني! تكول (مو يمكن انت نطحت الصخلة)!!
وحدة ثانية من قرت القصة بالجزء السابق كتبتلي (مسكينة الماعز, أكيد تأذت قرونها بسبب ايدك)!!
بعد ما شفت كل هذا التعاطف من جماعتي كلت اكيد من اخذهم مو بعيدة يقدموني فصل للصخلة,,
قررت اخذ صديق اخر غير متوقع:
بس الملعون ما وافق يجي الا بعد ما انطيته كيلو تفاح, جبته من أشجار تفاح قريبة..
ولو هو ما قصر.. جاب كل العشيرة واجى وياي
ما بقى احد منهم,, حتى الجهال هم اجو
بعد ما دخلنا على الصخول, وقدموا واجب الضيافة
اني ذبحولي واحد من أطفالهم.. والوفد اللي وياي قدموله حشيش درجة أولى
تمنيت ادريس يكون وياي.. لان هو نباتي وحرامات تفوته هيج وجبة دسمة (لا تفهموني خطأ, اقصد بالوجبة ابن الصخلة اللي ذبحوه.. بعدين اسولفلكم قصة ادريس وية النباتيين ومن عزمته على خس شوي).
المهم حجينا وسولفنا وكبير الصخول كال ( ترا محمد مثل اخونا وواحد من ولدنا, واحنة زعلنا عليه لان ما استأذن من راد يحلب الصخلة, ولو كايل الحليب لفتنة العصر كان خليناه ياخذ الصخلة وحليبها)
بالنهاية اعتبرو القضية تحرش بالصخلة وطلبوا مني فصل لوري حشيش وبعد ممنوع احلب أي صخلة لان يريدون الحليبات للصغار:
شوفو شلون يرضع ويباوعلي بنظرات خبيثة
اني هم وافقت وحلفت الا اوكلهم بايدي:
هذا زعلان ما يقبل يصالح!
ما مرتاح لنظراته.. احسه يضمرلي الشر!
بس بقت شغلة, لحد الان ما جبت الحليب لفتنة العصر!!
شنو رأيكم احلب:
تنويهات:
- كل الصور ملتقطة من قبلي,, يعني ماكو وحدة من النت.
- ماكو داعي انوه القصة وهمية من نسج الخيال.. لان مستحيل احد يصدك صخلة تذبح ابنها.
الشغلة الوحيدة الحقيقية غير النطحة, أصدقائي اللي وكفوا وية الصخلة ضدي.
XenTR Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
