هاي حشاشة اشلونكم ؟
بيتنجان وحش الطاوة
.................................................. .............
أسود سواد الليل والزلف أخضر ........ واللمعة جنه روغان والريحة عنبر
غلطان اذا ظنيت بالشتا ننساك ........ رسمك ثبت بالعين والطاوة وياك
بالحمس بالتركيب بالمركة شفناك ........ يتمت كل الناس من بعد فركاك
بالدهن من غطيت نشفته كله ........ سعر الدهن يا ناس ربالي عله
يروح السمج والبيض وللحم فدوه ........ لعيون بينتجان بس هو يسوه
أسود بعين الناس بعيني تبني ........ واحد من اهل البيت حسبتك ابني
هم طرشي هم تكلاه هم شيخ محشي ........ مثل الذهب يا ناس بالسوك يمشي
يالتحجي على الروغان تستاهل اعدام ........ لو فاركته العين ماتكدر تنام
اسود سواد الليل بس كلبه ابيض ........ ادري الطماطة تفيد بس انت افرض
لو وجبة ما الكاك صدكني أمرض ........ من كثر فن البيك سويت معرض
زاير بيوت الناس والبيت بيته ........ لو بيدي يا هالناس ماكشريته
لو تحجي يا هالناس هالمعدة كالت ........ جيبولي بيتنجان الفركة طالت
كطعت ورد البيت وزرعتك انت ........ حيرني لغز البيك بس ما فهمته
متعجب بدنياك كطعت الورود ........ ما جذب كلمن كال بالجنة موجود
دار الزمان ودار بقيت انت ........ والباقي يا هالناس خلوهه سكته
كلبك صخر جلمود يالكشريته ........ مو جنت تبجي دموع من فاركيته
غيبتك يا هالزين جن حزن عاشور ........ يالكلشي بيك يفيدهم حتى الكشور
لو يصعد الدولار هم هذا ازود ........ حسبالك بترول الذهب الاسود
شكد حاول العدوان يفرض حصاره ........ ما يدري وحش الليل سواله جاره
يالدزك الرحمن للناس رحمة ........ اتخايلك بالليل بالطاوة لحمة
بكد ما بليت الناس من الله يبلاك ........ ابتعد عني و روح ارجوك يا black
ما أظن اني بيوم أكدر أعوفك ........ لو ما كتلني الجوع ما جنت اشوفك
العظم اسود صار وحتى الخلية ........ من سمع بيتنجان بالصيدلية
هم مغص بالامعاء وبالمعدة قرحة ........ وماي العمة بالعين والكلب جرحة
وكافي بعد يا لناس مااكدر احجي ........ لو شفت بيتنجان هاليوم أبجي
بيتنجان وحش الطاوة
.................................................. .............
أسود سواد الليل والزلف أخضر ........ واللمعة جنه روغان والريحة عنبر
غلطان اذا ظنيت بالشتا ننساك ........ رسمك ثبت بالعين والطاوة وياك
بالحمس بالتركيب بالمركة شفناك ........ يتمت كل الناس من بعد فركاك
بالدهن من غطيت نشفته كله ........ سعر الدهن يا ناس ربالي عله
يروح السمج والبيض وللحم فدوه ........ لعيون بينتجان بس هو يسوه
أسود بعين الناس بعيني تبني ........ واحد من اهل البيت حسبتك ابني
هم طرشي هم تكلاه هم شيخ محشي ........ مثل الذهب يا ناس بالسوك يمشي
يالتحجي على الروغان تستاهل اعدام ........ لو فاركته العين ماتكدر تنام
اسود سواد الليل بس كلبه ابيض ........ ادري الطماطة تفيد بس انت افرض
لو وجبة ما الكاك صدكني أمرض ........ من كثر فن البيك سويت معرض
زاير بيوت الناس والبيت بيته ........ لو بيدي يا هالناس ماكشريته
لو تحجي يا هالناس هالمعدة كالت ........ جيبولي بيتنجان الفركة طالت
كطعت ورد البيت وزرعتك انت ........ حيرني لغز البيك بس ما فهمته
متعجب بدنياك كطعت الورود ........ ما جذب كلمن كال بالجنة موجود
دار الزمان ودار بقيت انت ........ والباقي يا هالناس خلوهه سكته
كلبك صخر جلمود يالكشريته ........ مو جنت تبجي دموع من فاركيته
غيبتك يا هالزين جن حزن عاشور ........ يالكلشي بيك يفيدهم حتى الكشور
لو يصعد الدولار هم هذا ازود ........ حسبالك بترول الذهب الاسود
شكد حاول العدوان يفرض حصاره ........ ما يدري وحش الليل سواله جاره
يالدزك الرحمن للناس رحمة ........ اتخايلك بالليل بالطاوة لحمة
بكد ما بليت الناس من الله يبلاك ........ ابتعد عني و روح ارجوك يا black
ما أظن اني بيوم أكدر أعوفك ........ لو ما كتلني الجوع ما جنت اشوفك
العظم اسود صار وحتى الخلية ........ من سمع بيتنجان بالصيدلية
هم مغص بالامعاء وبالمعدة قرحة ........ وماي العمة بالعين والكلب جرحة
وكافي بعد يا لناس مااكدر احجي ........ لو شفت بيتنجان هاليوم أبجي
