قصيده للشاعر رائد ابو فتيان ~ العوز ~

[The last Don]

بملابسنه أثر لنيابة العوز
وبنصهن أثر ناس احنه باقين

شبه كرصت خبز ركعتنه عالثوب
تشهينه أونون هو الخبز وين

شنكل للحبايب هذا موديل
افترض قنعن صفار وجوهنه منين؟

تلهمنه الشماته بهيج مقياس
جكاره وطاحت بحلك المساجين

ومجروحين نرجع فوك الجروح
نواسي امنه الدمعهه اعدال شطين

يمه فطور رجلج ترفه والناس
خشنه عيونه وماشافتج زين

وتذكرنه ابونه النطلع وياه
وعلينه جروح ردت ذيج السنين

يادرب النطبه وكال مكطوع
حفاي ونفر كل الدرابين

يخاف أنحرجه ثاري الدرب مفتوح
الدرب مكطوع يقصد بي دكاكين!!

ابويه بلاي في لاثمر لاكاع؟
وهو بمسحاته علاهه البساتين

بجه من شاف تعبه أتعبه بسلال
وخضار السعف طاح بدمعه العين

اليكلي أصبر يجي الماعون متروس
مايدري احنه بعناهه المواعين

نصبه اعله الجريده وننوي عالزاد
وتزلف عينه ونقره العناوين

ويه لكمه الاولى انذبه ونكوم
اذا كل كلمه بيه أتلاثه ميتين!

نحس بالناس لكن مايحسون
وعدهم حلوه لو كالو مساكين

اعله طين ابيوتنه استغرب يقلدون
وهمه اجسامهم مخلوقه من طين

ملينه الحجي وملينه هل الحال
ركض بينه العمر لاح الثلاثين

وماكلك الدين الهامت الراس
الهوه لو ينملك منشمه بالدين




للشاعر اللمبدع رائد ابو فتيان

 

[محمد المقاول]

رد: قصيده للشاعر رائد ابو فتيان ~ العوز ~

الله رووعه القصيده جدا
واسلوب رقيق ورائع وشفاف
تحياتي لك

 

[عاشق الصمت]

رد: قصيده للشاعر رائد ابو فتيان ~ العوز ~

شبه كرصت خبز ركعتنه عالثوب
تشهينه أونون هو الخبز وين

الله الله روعه اختيارك حبي

 

["شہــاه زنـــان"]

رد: قصيده للشاعر رائد ابو فتيان ~ العوز ~

ررررؤعه يسلموو ع الأنتقاء الراقي محبوب القلوب للقصيدة الشاعر
رائد أبو فتيان المبدع والمتألق ....شكراً على الطرح مرة أخرئ ماننحرم ودي

 

[رمااد اانسان]

رد: قصيده للشاعر رائد ابو فتيان ~ العوز ~

ملينه الحجي وملينه هل الحال
ركض بينه العمر لاح الثلاثين
ااختيار موفق سلمت يداك
مودتي