كلمات مهرجان طبع اسود - الدخلاوية فيلو - برعايه محمود جمال 2017
علّي علّي علّي علّي ياااا
هو هو هو هو داااا
انت انت انت انت حِس بالتراك وعيش معاه
يلا نولع يلا نولع كله يوسع ده احنا هنرزع
لما بنيجي الكل بيخلع #دخلاوية عليكوا جامدين
اضرب id ولا فراولة اعمل باللو يهِد الدولة
أصلنا ف اللعبة عتاولة وانتو عيال لسا وطالعين
احنا عيال فاهمة و أشقية اومال سمونا ليه دخلاوية
لما نخش فـ قلب النار بنطفيها من غير الميا
لو هنعاملوا جيوش و تتار يبقى خلاص و قعوم ف الخية
صبح ع الراجل المستجدع الي الناس بتقوله يا مجدع
الي مقدر حق الصاحب بيعَليــه مش فيه بيوقع
فاهم الدنيا داير و مرقـع لما بتطلبه مش بيسَقَـع
عارف ان صاحبه لو سابه سكاكين الدنيا دي تتقطع
دنيا و طبعها طبع اسود و بتجرحنا يا ناس كـ العادة
تمص الدم لحد الموت بعدين تتسلى و تاتا تاتا
الاصحاب على بعض تنفسن و بتحسد و بكل شماتة
عُمر الموت ميخوف شاب من دايرتنا نشأ أو أب
أي واحد من طرفنا في أي حته ياناس يتحب
قالوا احنا اسكندرانية احنا بتوع بحر سواحلية
مطاوينا دي دايماً خوجة يا الي ماسك مطوة مصدية
هتجيلنا ف سكة عوجة الدم هيملى الارضيـة
يا عم يا الي واقف في مكانك زعلان على واحد يوم خانك
لأ فرفش وانسى الهم قوم وارقص و اكرش أحزانك
افرح و اهرب مـ الهم ليه تسلم للزن ودانك
علّي علّي علّي علّي ياااا
هو هو هو هو داااا
انت انت انت انت حِس بالتراك وعيش معاه
يا زمانا جرالك ايه وحصلك ايه و بقيت كدة ليه
ده الاخ يبيع الاخ كإنه عَدوه الي بيإذيـه
و الصاحب داس على صاحبه وقت الشِدة و عدى عليه
و الأب يصيع ابنه علشان معرفش يربيــه
و الأم بدل متصاحب البنت و تعرف عملت ايه
بتسيبها تعيش بمزاجها و تدي صاحبها الي بيرضيه
هوبا انفجر البركان و النار عملت دخان
العريك وقت العركة هو لوحده الي بيبان
و الي بيتكلم و يجعجع يطلع متشرح تلفان
اسمك يا دخيلة مسمع و الي فيكي عاشق ولهان
يا الي بتسأل على وضعنا اتمختر و انزل دايرتنا
هتلاقي الناس بتعزنــا وتملي تنفــذ كلمتنــا
مش علشان كاسرين العين ده عشان الناس حبيتنا
قفلي الشارع سِده هنهند الكون هنهِده
الي يزعل أستاذ.. الاستاذ يا ابني يمِده
#الفيلو و #شاعر_الغية أساس و الباقي يلعب على قده
طب انا الي كنت مقضيها و فلوسي في الهوا برميها
عربيتي كنت معذبها و ليل نهار داير بيها
و أي واحدة بتعجبني بالفلوس كنت هرييها
هنحط على الي يبوء نضرب و الضرب يحوق
دخلاوية لما بتيجي الكل بيعيط و يأوأ
طب يلا نزيع و نروق و نرص كلام متزوق
خلي الجمهور يتنطط اصل الجمهور كان متشوق
من دايرتنا رفعنا علمنا وقف الكل طبور قدامنا
الجمهور صبح متكيف كنا خلاص خلصنا ختمنا
علّي علّي علّي علّي ياااا
هو هو هو هو داااا
انت انت انت انت حِس بالتراك وعيش معاه
![3x3[1].gif](http://www.f-iraq.com/vb/images/icons/3x3[1].gif){kind=icon}
