كم اعشق ان اكون مميزة خارجه عن قانون الكل

[سومري]

اغنيتك المفضلة التي تدندنين بها صباحاا
تلتقطها العصافير كأشارة
لتبدا بالتغريد.

 

[سومري]

ادعيتُ امامك اني ثقيل السمع
لتعيدي الكلام مرتين
في كل مرة اشعر بالشفاء
لان جرعه واحده من صوتك
لا تكفي كما قال الطبيب.



عفيه ايام ما تنمل
بس الناس ما تقبل
ما يحتاج ازعلنه
الكالت عني خاف ازعل
بديت اشتاق لحبابي
بنص الدرب واتململ
لا هُمَّ اجوني وبردولي الحال؟
ولا منهم وصيه، الامر يتاجل؟
اهيم بشوكهم ساعات
وتجي ساعات اتمهل
وكولن تفرج الاحزان
واعيدن وقتي الاول
ما نرضى اذا مو سيف
ننزل حمول المحمل
ولا نرضى نزاحم ناس
لمن تصفه ونشوف ابوابهم تقفل
ونرد نرسم ليالي الشوك
بمحبه ولا عدو يعذل
احبكم مو لان حلوين
لان حروفكم سمحه،
ولان العين تتامل.

 

[سومري]

لو انكِ نسيتي -يوم- عيد ملادك
لا سامح الله
ساحتفل به انا عوضا عنك
واعزم الجميع
ألا انتي..
حتى لا يزعجك النسيان
ويطرأ تغير ما على محياك
وكذلك علمود لا تطردينا من المدونه
ومابقى غير هذا المكان مجانا.



انه اريدك راضي عني
ما اريدنك تروح
الروحه صعبه ووحشه تدري
من يجازفلك؟.. وبحساسك يبوح؟
يابعد روحي انت روحك
جيب من يفدي الروح
بعد ما يرجع علينه
الصار مرجع مال نوح
تريده لو صار الغزل
بس هو يغزل
تريده لو صار الحزن
بس هو يحزن
هو جوكر بالورق
وبالحقيقه ما يلوح.

 

[سومري]

الى مديرتي مع التحية

اذا سالوك: من هو اكثر من عاش تفاصيلك
عندما كنتِ قمرا لا ينتمي لبشر
قولي هو..
ومن اكثر من فهمك وتفهمك.. بعد الانتماء
قولي هو..
ومن اكثر من كتب لك ورافقك (على الحلوه والمره)
قولي هو.. اذن ثلاث "هويات" يكفي
ان تثبت سيرتنا الاولى
قبل ان اتولى انا لوحدي "حضانة" قصائدي واقلامي
امام المحاكم.

 

[سومري]

انا أعلم جيدا
ان النظارات السوداء تزعجك
لكن مالعمل؟.. والجواهر الثمينة
يجب أن تعرض من خلف الزجاج
نرجو الموافقة فضلا وليس امرا.


----------------
يا حسره من اكولن عنك ابعد
وانه الشوك ياكل بيه ويزيد
لا نسيان كادر يجزي الحد
ولا صبر اليقنع نفسي وتهيد
اذا انت القمم مايخفى لحد
جا وين التفت.. ماشوفك تريد؟.

 

[سومري]

وينك ما وينك مديرة
لاهنا ولاهناك ولا هون ولا هنيه
شلقضيه
اسمع عن ذوبان الثلوج هذه الايام
واخشى عليك.


-------------------


نبعد عن محاور نبق لو نهجر
موذيج الوجوه العل وفا تكدر
اشوفك واكف ورجلك تخط بالسير
بين اثنين عجزانه وترد تفتر
ماتكدر تزاودنه علحب الناس
هوايه احباب عدنه، لا بعد واكثر
تتمرجح الرغبة بين هذا وذاك
جنه انولدت بنص الوسط سنتر
لاهِ المقبلة ولاهِ تولي ادبار
ولاجنه نديمة فكر وتفكر
مثل غيمة مطر لو زخت بصحراء
لا تروي الارض ولمايها تخسر
بين الروحه والجية تظل "الروح"
تعد سيات وبحسناته تكفر
يَحَرْكها حنين السكته مثل النار
لكن بالنهاية الثمر لليصبر.