لكبريائي ضجيج صمت***&&&يعلو في لحظة غضب##

[رحلة الماضي]

مساء الخير مدونتي الغاليه ... الي تعلمته خلال هاي الفتره .(لاتقوم بعمل ليس لك ..لن تتلقى التحيه والاحترام على العكس من ذلك ) هذا الي شفته وعشته للاسف الي يشتغل شغل مو شغله محد يكله نعم الله تعبناك رحمه الله والديك ...لا ابدااا بالعكس يبقون يحاسبونك اذا ماسويته مره ثانيه وذا بي غلط قليل تقوم القيامه الافضل انو تكون بعيد عن كلشي بس الخير لاتسوي لأحد افضل

 

[أنثى المطر]

عوداً حميداً اختي الغالية
أهلا ومرحبا بعد غياب سنوات
عودتكِ الى اسرتنا أسعدتني
آن شاء الله آخر الغيبات
منورة المكان كلووووو غلاي

 

[رحلة الماضي]

وبعد هم شي تعلمته من نريد نحجي ونكول احنه زينين بس العالم مو زينه احنه سوينه هيج وهيج بس المقابل مايستحق ...انه استاهل اعيش افضل حياه بس شوف وين الموزين الي مايعرف دربه يصير بي حظ وعنده كلشي...انه طيبه ومامأذيه احد ابد مالكيت الي يستاهل اسويله زينه ليش هيج...ونبقه نذب اللوم ع الغير ونطلع نفسنه ملائكه....اكبر غلط نبرر لانفسنا ونطلع نفسنه زينين والغير مو زين ...مو هذا المقابيل هم نفسك هم يحجي ويكول انه ملاك أنه طيب انه زين ومااستاهل هيج عالم ...المفروض هالشي يتغير لازم نغير نفسنه ونصالح نفسنه ونعترف بلشي الي مسوينه بلغلط الي مرتكبي بحق اي شخص لازم نكول احنه نصنه ملاك ونصنه شيطان والنفس خطاءه الافضل انو نترك النرجسيه وحب الذات المبالغ حتى ضميرنه يرتاح ...من حب الانا

 

[رحلة الماضي]

تعرفين شي مدونتي ...أنه هوايه تغيرت هوايه أكثر مما تتخيلين ...الاشياء الي جنت ماكدر استغنه عنهه اليوم صارت عندي ولاشي وتافهه...الأمور الي جنت احسبلهه الف حساب حتى من تخلص وتروح وتنسي ارجع اذكرهه. اليوم هالشي تغير بيه إلى ابعد حد كمت ماحسب حساب لاي شي اكثر من ساعه وحده وخلص كمت ماارهق نفسي واتعب صحتي علمود اشياء مو بيدي حلهه بيد رب العالمين...الشي الي جنت اخاف منه البارحه اليوم مايخوفني مايهمني ..تدرين بعد اكو شي تغير بيه وحيل مرتاحه لهلشي ...كمت مااهتم للسلبيين بحياتي مااعتبر كلامهم سيف لاابدا اصلا اباوعلهم اكول خطيه همه شكد تعبانين نفسيتهم تعبانه ....أنه مأكول تغيرت ١٨٠ درجه لا راح ابالغ هيج بس الاشياء الي تطورت بيه حيل مريحتني وقابله بيهه... لازم الواحد يتغير ويه الظروف يحاول يترك شي ويحل بمكانه شي اخر حتى يكدر يعيش بسلاسه

 

[رحلة الماضي]

اثاري كلشي اله وقت ويخلص اله نقطه يوكف عدهه مو بس الظروف الصعبه الهه وقتهه وتخلص حتى الظروف الحلوه الهه وقتهه...كلشي اله وقته ويموت لان الدنيه مو جبيره اهلي الدرجه بحيث تسع لكلشي (تموت ناس وتحيه ناس) مو بس الناس حتى وقتك ويه ناسك القريبين مايبقه طول العمر هم يخلص حتى لو همه بعدهم عايشين بس الوقت بينكم يخلص ...الاشياء المره والحلوه تخلص .المعامله السيئه والحسنه تخلص ...حتى الاماكن تخلص وتجي غيرهه...الملخص من هذا كله انو مادام كلشي اله وقته ويخلص ويتغير المفروض احنه هم نتغير ع هالاساس فلحد يتفاجأ من شي لحد يكول ليش فلان مايسال.ليش فلان ابتعد وتغير ليش وليش ..أنه اكلك ليش ..مثل ماانت ابتعدت هو هم ابتعد مثل ماانت صارت عندك حياه ومسؤوليه وحياتك مو فارغه هم بعد مثلك ...مثل ماانت يجيك يوم ماالك خلك تسمع صوت أحد أو تعبان أو مريض تره هو هم هيج ...احنه وصلنه لمرحله مانلحك نعتب كلشي يمر بسرعه..

 

[رحلة الماضي]

روحك وبدنك هما امانه لديك فلا ترهقهما بمتابعه حياة الآخرين ...انتبه لحياتك افضل....

 

[رحلة الماضي]

شكرا لكل شخص كان قاس معي ...شكرا لكل شخص اسمعني كلام لاينسى...شكرا لكل من ساهم في احباطي...اشكركم من القلب لولالكم لما أصبحت عليه الان

 

[رحلة الماضي]

كلما كبر بنا العمر ومر بنا الزمن ورأينا مارأيناه في حياتنا....فبين هذه الضوضاء وسرعه الايام التي بها نحن ..هناك ذكرى أو مكان أو كلمه تعيدنا إلى الوراء لعده سنين...ايام عندما كنا نحن

 

[رحلة الماضي]

كل شئ هادئ ...في السابق كنت دائما اقول هذا الهدوء الذي يسبق العاصفه فلم أكن استمتع بوقت الهدوء لأنني كنت اخاف من العاصفه ربما تأتي وربما لا ....اليوم تغيير هذا الأمر لدي بدأت استمتع بكل لحظه ولااخاف من القادم اطلاقا .

 

[رحلة الماضي]

قررت ابتعد عن الناس الي احبهم مو لان كرهتهم أو مايهموني..لا بالعكس لان يهموني فقررت ابتعد حتى مااتاذه ولايتأذون حتى يبقون ذكرى حاضره غائبه جميله بحياتي وأنه هم ....