ليش انت وي اليحبك هيج تتعامل

[Noor Aldeen]

يش انته ويه اليحبك هيج تتعامل
خل نحجي الصراحة وكافي نتجامل​

........................................
​

خل نحجي الصراحة ونحجي بالمكشوف

نفك اصدورنه والكلب حته نشوف​

.............................................
​

نشوف بلاحرج منهو اليحب ويموت

وتصحه حالته لو مره ولفه يفوت​

.......................................
​

اوصف حالتي كلبي عبر صبره

يتمنه يموت وببابك يحط كبره​

.........................................
​

حته من تمر عل الكبر ونته تروح

تحس بهل الكلب باقي بعد بي روح​

.........................................
​

ادوس اعله الكلب امرك تره مسموح

بلكي بدوستك مطيب خطيره اجروح​

.........................................
​

ياكلبي ارد اكلك هم صدك مقبول

اسمعه بصراحه رايك انته اتكول​

........................................
​

كول ولاتمازح رايك انته وياي

رايك لو عسل لو سم اشربه بماي​

........................................
​

بلكت بالعسل رايك ورايي ايصير

كالاهه الكلب بس خانه التعبير​

......................................
​

رايك من تسم شربني سم بهداي

بلكت يلمحب كلبي يموت وياي​

...................................
​

تدريه الكلب عنك فلا غادر

حبك بيه وحبك ذهب نادر​

...................................
​

عيش وتحمل هل الحمل مطلوب

هواية أتحملت هم مثلي هيج اكلوب​

......................................
​

ليش انته ويه اليحبك هيج تتعامل

خل نحجي الصراحة وكافي نتجامل​

 

[الامبراطور]

رد: ليش انت وي اليحبك هيج تتعامل

الله ..
جميلة جدا

دمتم بود وسعادة​

 

[الشاعر الرياضي]

رد: ليش انت وي اليحبك هيج تتعامل

كلمات روعهوانتقاء جميل
الف شكر يلغالى