ليل المسامر..

[العـ عقيل ـراقي]

رجيت متن بمتن حسبالي اوصل للحسن
تاليني بأول سطر بعد القريته واكتبته وزن
..
فليت شعرك على النهد غيمت دنياي
طشيت ابابك عمر واشتهيتك كلش ماي

من في نهدك خضرت عيدان العمر
وكلت وكت الحصاد بس كون تمر

مشكول الذمة ياترف تاكل بروحي نارك
وانه الك صيوان وعيون تشكف احجارك

ظك شمابيك وبين الفخاتي الي بالنهد ظمني
توجعني لسعات البعد وشما تبعد يورجني

انه من اظمك انزع الكون وبيك اتلفلف
وبغير خصرك ابد ما بعد ياحلو احلف

ظميت بين شدات الوردة جلمة ازغيره
حسبالي تفهم مرامي كلش وتيشلك الغيرة

تاليها شفتني بربع عينك وتكلي ما شفت
وانه بتوالي الفرح ظميتك صم جلكيت

شكثر جلماتك وشكثر بيهن اشوفك أنته
للاسف شكثر انه اكتبتك وانته ما فهمته

يامة صحت بيك وكلت حيل رايد اشبكك
وبصلافة عين تضحك وتكلي عكبتك

رشيت ماي الورد وبخرت كل الي يظمنه
ومخاديد وحلم مفتوك ابين ادينه وما عرفنه

اشتهيتك مستحة ورجفت ايد وعركت خاطر
وأملت روحي برطب نهدك وذاك المسامر



04/03/2015
العـ عقيل ـراقي


​

 

[الشيخ]

رد: ليل المسامر..

عقيل
دمت بالف خير

 

[مخملية]

رد: ليل المسامر..

اسعفني ؛
مد روحکَ حضنْ
يابو الجفوف الدافيہ
لولاهن زنودکَ صبحَ
شمس الله كلش طافيہ
مر بيه بمحاضن جسم
الكلمہ ابد مو كافيہ


العقيل العراقي
سلمت اناملك عزيزي
بوح راقي

ودي

مخملية

 

[العـ عقيل ـراقي]

رد: ليل المسامر..

راقني حرفكم
وروعة حضوركم
وجميل ثنركم
كل الاماني
عقيل العراقي

 

[العـ عقيل ـراقي]

رد: ليل المسامر..

عاشت ايدك
شكرا لك