( قصيدة گعده )
ماادري اشجره شنهي اللي صاير
چثيره لغيرت درب الشعاير
لتغيرك هالاقوال – حافظ عالهويه
-----
نهج ابو اليمه وكفاحه – عِبــــــــره قدم للخليقه
للبشـــــر خطط كـرامه – بمنحـــــــره دون وثيقه
واجب اصبح عالموالي – يقتـدي بنهجه وطريقه
كلشي بدماءه اسسه – بالعزم شيدت مدرسه
من تحضر انت بمجلسهه - تلگه منهاج الحقيقه
صنعت هالمجالس كثره احرار
صاغت بالدمع والحزن ثوار
نهجك يصنع ابطال – حافظ عالهويه
------
انت من تحضر مجالس – ماتــدور عالمطامع
عالاجر تنوي بحضورك – همك تزيله المدامع
تدري هالدمعــه الشريفه – غاليه كلش يسامع
هالدمعه لحسين الإبي – تشرح مئاسي لبالسبي
لوما يضحي ابن النبي - مايظل دين وجوامع
لو ما حسين چا عشنه بالاوهام
چا صرنه خدم مابين ظلام
انت اعرف بالاحوال – حافظ عالهويه
---------
ريحه طيبه چنت اشمهه - بكل مجالسنه الاصيله
چنهه راحت ياحســــافه – والبقت كلش قليـــــله
هالعـــــزه لا موعزانه – كثـــــرت اذنوبه الثجيله
واحد مشه فوگ الجمُر – عالطين ثاني منشمُر
مايدري ثالث بالأمُر- ضيع الخيط وشليله
احس بعض الدمع مو دمعة انسان
ماينفع دمع خالي امن الايمان
منبوذه هالافعال – حافظ عالهويه
------
غيرو طور الشــعايــــــر – جابـو الدي جي بداله
حقه ينقـــــدنه المخالف – يعتــبرهه امن الظلاله
ينجـــــــرح تدري امامك – من يشاهد هيچي حاله
شسكت بعد شنهي الأضُم - موديل چن صار اللطم
نزلت تراهه للعظم - هاذي افعال الجهاله
بعضهم عالگزاز يسوي ممشاه
موروث اللطم غيرو معناه
تدري هوايه الامثال – حافظ عالهويه
-------
چن حفل صاير محرم – بي هدايه وهم جوايز
فكره اسســـهه بعضنه – يفتــكر هو اللي فايز
والبعض يكتب قصايد – چنهه ســالوفة عجايز
عالشعر عدمن تشتچي – يرسم صور ماتنحچي
يخواني مو هيج البچي - هذا ماصار ولا جايز
موهيجي الحزن مو هيجي الدموع
چن صوت الطرب باللطم مسموع
عوفه القلت والقال – حافظ عالهويه
---------
كثره بلدان بمحيطك – عادتــــــــــــك دوم وتكفرك
تنتـظر زله بعــــزانه – حتى بالعــــالم تشـــــــهرك
هاذي افعال الروافض – تصرخ وتحچي اعله فكرك
ارجوك فكر بالعقل – هيجي عزه ماينقبل
چانت مجالسنه قبل - ينشرح بل ونه صدرك
لتخلي العده متسلطه بلسان
صير بمجلسك للغيره عنوان
بغيره اتهد الاجبال – حافظ عالهويه
الصغير المقصر
ابو لقاء البهادلي
ماادري اشجره شنهي اللي صاير
چثيره لغيرت درب الشعاير
لتغيرك هالاقوال – حافظ عالهويه
-----
نهج ابو اليمه وكفاحه – عِبــــــــره قدم للخليقه
للبشـــــر خطط كـرامه – بمنحـــــــره دون وثيقه
واجب اصبح عالموالي – يقتـدي بنهجه وطريقه
كلشي بدماءه اسسه – بالعزم شيدت مدرسه
من تحضر انت بمجلسهه - تلگه منهاج الحقيقه
صنعت هالمجالس كثره احرار
صاغت بالدمع والحزن ثوار
نهجك يصنع ابطال – حافظ عالهويه
------
انت من تحضر مجالس – ماتــدور عالمطامع
عالاجر تنوي بحضورك – همك تزيله المدامع
تدري هالدمعــه الشريفه – غاليه كلش يسامع
هالدمعه لحسين الإبي – تشرح مئاسي لبالسبي
لوما يضحي ابن النبي - مايظل دين وجوامع
لو ما حسين چا عشنه بالاوهام
چا صرنه خدم مابين ظلام
انت اعرف بالاحوال – حافظ عالهويه
---------
ريحه طيبه چنت اشمهه - بكل مجالسنه الاصيله
چنهه راحت ياحســــافه – والبقت كلش قليـــــله
هالعـــــزه لا موعزانه – كثـــــرت اذنوبه الثجيله
واحد مشه فوگ الجمُر – عالطين ثاني منشمُر
مايدري ثالث بالأمُر- ضيع الخيط وشليله
احس بعض الدمع مو دمعة انسان
ماينفع دمع خالي امن الايمان
منبوذه هالافعال – حافظ عالهويه
------
غيرو طور الشــعايــــــر – جابـو الدي جي بداله
حقه ينقـــــدنه المخالف – يعتــبرهه امن الظلاله
ينجـــــــرح تدري امامك – من يشاهد هيچي حاله
شسكت بعد شنهي الأضُم - موديل چن صار اللطم
نزلت تراهه للعظم - هاذي افعال الجهاله
بعضهم عالگزاز يسوي ممشاه
موروث اللطم غيرو معناه
تدري هوايه الامثال – حافظ عالهويه
-------
چن حفل صاير محرم – بي هدايه وهم جوايز
فكره اسســـهه بعضنه – يفتــكر هو اللي فايز
والبعض يكتب قصايد – چنهه ســالوفة عجايز
عالشعر عدمن تشتچي – يرسم صور ماتنحچي
يخواني مو هيج البچي - هذا ماصار ولا جايز
موهيجي الحزن مو هيجي الدموع
چن صوت الطرب باللطم مسموع
عوفه القلت والقال – حافظ عالهويه
---------
كثره بلدان بمحيطك – عادتــــــــــــك دوم وتكفرك
تنتـظر زله بعــــزانه – حتى بالعــــالم تشـــــــهرك
هاذي افعال الروافض – تصرخ وتحچي اعله فكرك
ارجوك فكر بالعقل – هيجي عزه ماينقبل
چانت مجالسنه قبل - ينشرح بل ونه صدرك
لتخلي العده متسلطه بلسان
صير بمجلسك للغيره عنوان
بغيره اتهد الاجبال – حافظ عالهويه
الصغير المقصر
ابو لقاء البهادلي
