مرة بنية اسمها زينب سوت لایك على صورتي الشخصية ..
فدخلت علی حسابها لكيتها متعاركه وي صاحبتها بأحد منشوراتها تعليقات وردود واصله ٦٨ تعليق .. صاحبتها أسمها نور فدخلت علي حساب نور
لكيتها مسويه تاك بمنشور عن الصداقه البنت أسمها سارة وكاتبه جان يوم يخبل ومن العمر .. فدخلت على سارة علمود اعرف تفاصيل اليوم
لكيت أن اليوم هو جان عيد ميلاد سارة قبل كل شي کل عام وهي بالف خير طبعا بس اكو شغله لكيت سارة مسوية تاك البنت اسمها رنا وكاتبه زعلانه منج على فکره ..فالمهم دخلت على حساب رنا أشوفها مزعله سارة ليش وشنو السبب ؟
فلكيت رنا کاتبه اسفه سارة ما راح اكدر اجي على عيد ميلادج لأن ابتهال بالمستشفى .. فدخلت علي حساب ابتهال حتى أفهم ليش بالمستشفى طبعا ألف سلامه عليها .المهم طلعت منفصلة من ولد صاحبها اسمه امير وصديقاتها كاعدات يسوون تاكات ل امير الا بنت اسمها سجى مسويه تاك وسمايل غضب فدخلت على حساب سجى لكيتها منزله منشور عن الغدر والخيانه ومسويه تاك لامير ..واني وبصراحة نفسيتي ما سمحتلي ادخل حساب امير واعرف اشبي لأن انا شخصية كلاسيكية ما احب ادخل بحياة الناس وماعندي فضول مثل ما تعرفون