منشور غير مهم ما هو نظام #سويفت الذي اطاح بالدينار العراقي امام الدولار ؟
سويفت هو مختصر لاسم جمعية الاتصالات المالية العالمية بين البنوك وهي منظمة غير ربحية ومهامها تنظيمية ومقرها ببلجيكا وبدأ نشاطها 1977 .
سويفت حالياً تشتغل باكثر من 200 بلد واقليم يعني تقريباً كل دول العالم ومرتبط بيها أكثر من 11 الف بنك ومؤسسة مالية وشركة و تاجر ....الخ .
عمل سويفت الاساسي هو تبادل المعلومات بين اطراف عملية التحويل المالي ، إبتداءً من صاحب رأس المال مروراً بالمستورد والبنك المرسل والمستلم والمصنع وصولاً المستفيد الاخير ، سويفت يوفر نظام يجمع كل هذول الاطراف ويجري عمليات التحويل الكترونياً وبسرعة عالية وعلى مدار 24 ساعة فيوفر رقابة مطلقة على الاموال وين ما تروح .
مثلاً النظام يومياً يرسل 32 مليون رسالة وهاي دلالة على نشاط النظام وحركته الهائلة !
لذلك نظام سويفت يقضي على تـهريب العملة وغـسيل الاموال وكل عمليات فسـاد العملات لأن كلشي مراقب وكل حركة للعملات معروفة .
العراق كان طول 15 سنة مستثنى بقرار امريكي من دخول سويفت لكونه يتحجج بحاجته للطاقة و بعض السلع بالنقد من دول عليها حضر أمريكي (وهذه الدول هم ما داخلة بسويفت) بس لما الامريكان لاحظوا ان الاستثناء يستغل لتهريب الدولار من العراق بشكل واضح بلغوا ب2021 الحكومة العراقية بالغاء الاستنثناء بداية 2023 بس الحكومة ما تعاملت ويه الموضوع بجدية و من اجت 2023 الغوا الاستثناء
وسلامتكم
