مدونةعمكم ابو مناف البصري

[ابو مناف البصري]

من ثغره بسمه اطلعت صاح الگلب ياهله
وبحبه.. هام العگل . مدري . العگل ياهله
ما هو جنايه وذنب . لو حب . كهل ياهله
والعدها .. سن العگل . تهوى وتحب ياهل
وهلال .. چن .. شوفته .. مثل البدر ياهل
من شفي . ليش انگطع شف المحب ياهل
سيد .. اودي . او وجه . اكرام .. اله ياهله

متى يل بيك شوف العين يبره
ترد ... وتصير .. للمكسور يبره
اذا .. لأم . اليموت انجيب يبره
انه . اللي مات گلبي اليبره اليه

الفرحان . . .

 

[ابو مناف البصري]

عجبني السولف بربعه..... ولا لام
جمع شوغات بضلوعي...... ولا لام
خفت بنار كل تعبي.......... ولا لام
غيرك يل كطعت انوب بيه.....
سجاد الصالحي

 

[ابو مناف البصري]

الما يجيبه الطيب منه اغسل ايدك
لو تطي ماي العين هم ما يفيدك

 

[ابو مناف البصري]

منو مثلي فتح عينه لكه صباه
حزن والوكت متحضر لكصباه
لا بهلول حتى اركن لكصباه
ولا طابت العيشة الموش هيه.
مختار التميمي

 

[ابو مناف البصري]

سواء ابتسم وجهك والزهيمر
اليوم المضلم يمر والزه يمر
مرض وربع فواتح والزهايمر
ولهسه اذكر شسويت بيه
مختار التميمي

 

[ابو مناف البصري]

وحـگ مـن طبـن أخـيمـهن ولأذن...
يـــا لأذنيــــچ مــــدرچـــهـن ولأذن...
لأتــم شــــــوف بـعـيــــونــي ولأذن...
التـفرزن كل حچـي الشمات ألـيـة...
***************************
بعيـوني لأتـــم شوف لأذآني تسمع...
وعنك أشما يحـچـون مـاگلبي يقنع...
ابو سعد المعله....

 

[ابو مناف البصري]

حنينه امي وجفن عيني ...بچه اله
وتسع تشهر جنت نايم....بچله
جنين وجنت اشاركه ..بچله
حكه شماحجت وتلوم بيه
المختار التميمي

 

[ابو مناف البصري]

يــاروحي المـاعــرف عكبك شيلها...
جـفيــت ولاحصـل بعــدك شيـلها...
وحگ من تحط عالمعصب شيلها...
يچـن نــار الخليــل أسعـرت بـيــة...
***************************
نـار الخليل إتهون وأبـردها مـن نــار...
أضرمت من مريت بظلوعي ألاگصار...
أبو سعد المعله...

 

[ابو مناف البصري]

اذا ناوي الصلح الي وياك/شرطين
حارس.. اخلي اعليك // شرطين
يجفي... لاتشر.. الدمع //شر طين
لان طينك وفه وناسك اذيه
أحمد الخزعلي

 

[ابو مناف البصري]

في العلاقات الزوجية، كل المشاكل قابلة للحلّ بسهولة،
بشرط أن ينظر الزوجان إلى المشاكل على أنّها قضية أخذ وعطاء،
لا قضية انتصار وهزيمة