مدونةعمكم ابو مناف البصري

[ابو مناف البصري]

(مدور)
السده القيس بهواه ضعفه--سدالي
بهواك-وگمت احس بعدك---سدالي
الهوه-ومحد فزع جابك----سدالي
خدمه-ورد شهيگ النفس بيه

غالب النهيراوي

 

[ابو مناف البصري]

للزهـــــــره هذا اليـــــوم الحســــن مولـــود.
للجنــــــه سيد صـــــار معروف ابــــو الجـود.
*****
اليـــــوم الزهره فرحــــت يالله طشـو الياس.
علگـــــــو الزينـــــــه كلكم فرحــو ياهالــناس.
الــــدلــــه اتحظــرت بالحســـن رفعـــة راس.
والـــــــدلــــــــــه ابجيتـــــــــك فـــرحانـــــه.
حيــــــــــدر ناصـــــر البـــــزونــــــي

 

[ابو مناف البصري]

حفظته من القهر والضيم درسي ،
بهظم روحي ونين ادروس درسي ،
يدنيا عل الصفالي وياچ درسي ،
وخلي من الملامه اجروح بيه ؟؟؟
ابو فهد العارضي

 

[ابو مناف البصري]

جفوني ومن جفو عني--يبس ماي
عيني. ولافرح نوبه----يبس ماي
اعله حلگي ولااسم ضلچ-يبس ماي
من اهد ماكطعو الغالين بيه

غالب النهيراوي

 

[ابو مناف البصري]

ياخاص الصدگ وياك ::: ياعام
وياخال التورجه الحال::: یاعام
اذا مثل المضه مريت ::: ياعام
لكاظم بعد ماظلت بجيه

يروحي اشينفع المهروت شلچ
انكسرتي والخليل الراح شلچ
عگب خام الحرير بصوف شلچ
وهي شمرة عصا ولنچ رميه

ساعه أبعد الواهس ساعدني
وساعه اتهجع روحي ساعدني
اشيضرهن لون مره ساعدني
الليالي/وبحلم مريت بيه

كاظم الخفاجي

 

[ابو مناف البصري]

اجــر حـسرات بــغيابه وجـربـاه
جـفـه وچـانــون دلالـي وجـربـاه
إروزه الــــراد يــهواني وجـربـاه
درس خذته وچذب ينعاد بيه
(قلمي.. مهند الطائي)

 

[ابو مناف البصري]

كمت أبجي ودك عل راس جفين
جفو وعني ودموع العين. جفين
نخيت وشلت للمعبود جفين
ضعنهم سار مدري ابيا. نويه

هاشم الموسوي

 

[ابو مناف البصري]

دار الوكت وياي مثل ام طرك ثوب
من تنوي تخبز بي تلبسه مگلوب

شيخ فريد

 

[ابو مناف البصري]

أجلبنك يليلي وروحي فرحـانه
بميلاد الحسـن نـورت دنيــانه
حبيب الله شاله وظمه بحضانه
گال أسمه الحسن رحبه يترحيبه

أجلبنك يليلي أثنعش تجليبه

قلـــــمي
أبو صلاح البيجواني

متباركين بالولاده الميمونه

 

[ابو مناف البصري]

محد وصله بالكرم دناله
صاحب مظيف وسود عده ادلاله
الاكل منا وشرب ياهنياله
الحسن بحر الجود خيره امطشر
*****************-
كل الهلا ابميلادك . يامولانه
لسبط الرسول ألناس هل فرحانه
بلبل غر د طور حلوه اشجانه
صفكه وهلاهل بميلادك نتبشر
قلم كاظم الزاملي