مدونةعمكم ابو مناف البصري

[ابو مناف البصري]

اتعنه وركض دوم من جيبي اخسر.
ليش. البشر. بذات. ماعنده. معشر.
الشيخ أبو أحمد القريشي

الخلل بالجينات. ميه بالميه
هم شفت طيب مات خلف اذيه
#مطردحام

 

[ابو مناف البصري]

احد بشفرتي مافاد....... حداي
ياهو الي يضل لضعن.... حداي
اركض والركض لاوين.... حداي
الركض ملخ اجدامي وعمل بيه
سيد منخي الجابري

 

[ابو مناف البصري]

وحـــگ بغــــــــــداد والبصــره وحلـــه

اريــد افتــح لغـــز شخصـك وحلـــــه

الشـــرع ما حـــرم ابـــــــوصلــــــــك وحلــــــــــــــــــــه

عليــــــــــش اتحـــرمه و تبعد عليــــــــــه

ابو رسول الحلفي

 

[ابو مناف البصري]

كسر گلبي ابجفاه وآنه مكاسير
چلمته وچنت اضنه فَي مكاسير
وعبالك روحي چن ردهة مكاسير
ونين ابكل وكت واصياح بيه

انور الخير

 

[ابو مناف البصري]

عليك نده وصيح بصوت بستان
يهل مجفي غرامك صار بستان
بكلبي وردت من الجيد بستان
وشمه من النهود وهاي هيه. .. فيصل الركابي

 

[ابو مناف البصري]

الدنيه بس وياي تشلع بالعروك
تتمركص ويعداي چنهه بمشي النوك

الدنيه وياي ماخلت شيلهه
مفرعه الغيري تلبسلي شيلهه
همومك يالوكت متني شيلهه
شلتهن مبتسم شمات اليه

بشير الجابري

 

[ابو مناف البصري]

وعلي الما جيمه حاربها مكرها
ابنادم لو عدوي آنه مكرها
لچن بيهم مكر ثعلب مكرها
لا زينه الترده ولا رديه

انور الخير

 

[ابو مناف البصري]

امدلهم جفني حدره ادموع قيمه
وقيامه ابروحي چن اجفاك قيمه
اعرضت حزني عله يعگوب قيمه
وطلع گد حزنه خمس امرار بيه

انور الخير

 

[ابو مناف البصري]

گرابت عين ردتك عود ويفان
وكواسر تصد عني الشمس ويفان
لحد ما عمري يخلص كون ويفان
وگبل موتي انته حافر گبر لِيه

انور الخير

 

[ابو مناف البصري]

لجل عينك صرت أكتب ـ ـ ـ وآلف
وأحـاول أجمــع بحبنـه ـ ـ ـ وآلف
إذا عمــري وصـل مـيـه ـ ـ ـ وآلف
أضل أهـواك لٱخـر يوم ـ ـ ـ بيـــه

يلي أسكنت بالروح تمشي بكياني
هم تظن عود أنسـاك من أكبر أني

قلـــــمي
أبو صلاح البيجواني