رد: مدونة فخامة العراق
بعد ان وقف الموت عائقا بينه ويينها وسرقه منها قبل خطبتهما بساعات معدودات احتضنت صورته باكية وقالت
وين الگاك
وليش الموت هدني وماخذاني وياك
طفح بية الصبر واطشر بفرگاك
حلالك ما صرت للخطبة ظل يومين
شجاك استعجلت والمن مشيت هناك
لو عاقد قرانك بية گبل الموت
لو تارك بذاني ذكرة منك صوت
" زوجتكي نفسي "
لو گايلها الية بدخلة التابوت
جان صرت بكيفي من ابجي عليك
وكل خميس يمرني للكبر اعتنيك
واكطع لسان اليطلبوني من ابوي
والزم العدة عمر حد ما اجيك
ااااااخ يا وحشة غيابك يالمشيت
وانت تدري امنيتي جانت بس احط حلقة بديك
راح الملم ذكرياتك وانعى كل موعد جمعنة
وانعى كل طارش سمعنة
والمكان الياما لمنة وبي بجينة وبي ضحكنة
وراح اكولا ما وفة وياي بوعودة !!
بدلة العرسان بيضة ليش الي تلبسني سودة !!
وللامانة ! وعد واحد بي وفيت اليوم الية
من كلت اهلك نوو يقرون فاتحتك علية
وصح قروها وفصلوا تابوت عرسك باحلى مودة !
المشكلة من اذكر وعودك يسعر بروحي جمر
ليش بعد العشرة كلها تبدل احضاني بگبر
فرگتك گطعت روحي وبية نهشت كل كتر
وياعمر ؟؟
ياعمر بعدك اعيشة استوطن بروحي السواد
والوكت جي غاب وجهك ذار بعيوني الرماد
واعلنت بس وية روحي سنيني من بعدك حداد
رد الية الفرگة تكتل والنفس ما بية اشهگة
رد الية بروح حبنة وخبر موتك ليش اصدگة !!
خبر موتك ما اصدگة