مدونتي جنات ليل..

[العـ عقيل ـراقي]

يعتگن كلش ومالهن حوبة
وتعيل المنفرات بيه
وانه مثل ناگوط عله صبه
بس الصوت يرعد
لو جان الحلم بيه شوره وبخت
چا لمني عله نهدك جوريه..

عقيل

 

[العـ عقيل ـراقي]

امس كلش امس
مدري يا امس
المهم كل ليلة
أغفه وي الصور
وأتشلبه سياج الخوف
وأطيحن عله اشفاف
يا ستار جن بيهن دبگ
وامطگ بكل حيلي
تاليها أفز عرگان
جنها مطرت عسل
والنگاط عله ثيابي عرس
محروسة كل ماشفت
صوره الك
احرسها من عيني يربي..

 

[العـ عقيل ـراقي]

الكل تتوضه بالماي
بس بيك الماي يتوضه
يازلال ونبع صافي
..
عقيل

 

[العـ عقيل ـراقي]

 

[العـ عقيل ـراقي]

متيهين كلش وأدروبنه
حذت سمرة اوجوهنه
تعثر بينه السوالف
ونعدلها بطيب محنتنه
بطلنه نشتاگ ونحجي
الي ما الشوگ ما عرفنه
..

عقيل

 

[العـ عقيل ـراقي]

سألني عابر ذات مرة
كيف تكتب القصيدة
قلت..
حين تختمرُ الصورةُ
ويكبر الشوق
ويكتنزُ العشق فيها
تكبر المعاني بالقلب
وتخضل عيوني بالدفء
وأرمسُ بوجهي دفئها
إذ ذاك تكتبني القصيدةُ
فوق سطورٍ كالسيفِ
كلما دنوتُ من حدهِ
بعثرني فوق مباهجُ
جسدها الشمعي
هكذا يا ذا اكتبها
وتكتبني..

عقيل

 

[العـ عقيل ـراقي]

وكت عاز جنت شايلك
وحسبالي ادوم طاري حلمك
الف قصه سولفتلي
يا وسافة ضيعت سرك
وانه الجنت فرحان
وجيت بواهس اگليبي
ابشرك..

عقيل

 

[العـ عقيل ـراقي]

تالي الليل تكتل وحشة المشتاك
وساعاته ساعات مايتحملن افراك

 

[العـ عقيل ـراقي]

سولفلي بروحي فقره هواي
وصوتك يشبه خبز
وضحكتك تنگط الماي

 

[العـ عقيل ـراقي]

مرجحني على رمشك طيف ،
شمعة سهر خليني
ياظالم بيش اهود الروح
وانته بسگم ناسيني..


من اغاني
فؤاد سالم