مدونتي فقآر الكرخي

[فقار الكرخي]

واگلك هَا يَضيم صباي
بَعدك بيه مَا مهتم ؟
وحگ عينك بَعدني
شمَا يذكرونك
شَكو بهالرُوح يتلعثَم .

 

[فقار الكرخي]

كمر وبكل ماي اطيح

مو عطش بس طبعي احن

ومن طحت بيك اعله نيتي

ما ادري بذيبك فطن

وانتهينا وما طويناها اعله خير

وخفت لا تنساني عينك
لملمت وجهي وبجيت

تالي وجهي اسود لكيته .. وذنبك بلون الكطن

 

[فقار الكرخي]

لگينه إكماطنه هموم وعذابات
وبعد ماتدري لو تدري شلگينه
لگینه دموعنه تهز الكواريك
وسمعنه جروحنه يلولن علينه

 

[فقار الكرخي]

نكبر وننسه وكبرنه ومانسينه
ثاري حته اهل المثل ضحكو علينه

ياجفن شو عافك الماعايفه
وصارلك مدري شكثر ماشايفه

بلكي يذكر شوگنه وباجر يجينه
نكبر وننسه وكبرنه ومانسينه

 

[فقار الكرخي]

ولك جا هسه انه القصرت وياك
انه البدموعي لاجلك يمشن ابلامي
غير انه الكبل لوراد يطلع صيد
احضر صورتك وانساهن اسهامي