رد: مدينة الصدر (قلمي وما يكتب)
شيفيد الحجي ولو نكتبت الاشعار؟
واذا تلح بالحجي انت من الطائفيه!
شعبنا اليوم كله احزاب
وياهو ليجي ينهب الماليه
تسكت تموت م·ـــن الجوع!!
تحجي يكولون بعثيه؟
تهنه بنص بلد تايه ومكرود
عراقيين بس نحمل الجنسيه
مكرود الفقير يموت منحور
والعذر موجود شيعي سني لو من الدوله الاسلاميه
ماريدك ياوطن دامك تفرق الناس
ودامك صرت تذبح علـّ الهويه
خايف لاهم اموت منحوره
ويسألون السبب يلكوني سنيه!!!
جان طبعي بدوي لماينسه ثاره بيوم
مسلح بلفشك والحكمه موليه
وجنت اكوه مـــِْن الزمن وماتلوي ايدي ذراع
هسه دمعتي ماتمسحهه اديه!
كسرو ضهري مو بس اديه اليوم
وياهو لتلزمه يكول شعليه؟؟
جنه بلد مرتاح ويحكمنه دكتاتور!
هسه تحررت تحيا الديمقراطيه!!!
بقلمي
ياطيب مدينه الصدر يعني العراق
وانا ماحب اخالف قوانين المنتدى
لانو الكلام في هذه الفاجعه واضح
واصبح الطفل يفهم دراما العراق
اصبحت نهايه هذه الدراما لها اجزاء كثيره
وفي كل جزء تتطور الاحداث للاسوء طبعا
قدر الله وماشاء فعل
الحمد لله
والله يرحم شهداءنا
