مساجله شعريه متنوعة

[مخملية]

رد: مساجله شعريه متنوعة

عليك تعودت مثل الشجر ع الماي
وشحال الشجر لمن يجف مايه ..
وحفظتك مثل مؤمن حافظ الايات
ويامؤمن تفارك خاطره الايه ..
...
يااول جرح تتباهه بيك الروح
وقاري محبتك من زغرك قرايه ..
شلون تروح عني وياكلب ينساك
وانته الي صرت لمرايتي مرايه ..
تدريني بمحبتك طامع بملكاك
وماعنده الكلب بس شوفتك غايه

 

[مخملية]

رد: مساجله شعريه متنوعة

امس كـــان العشگ ميهمه مقياس
هسه شـــــــــــروط صارت لليحـبون
اول شـــرط لازم عــــــندك فـــلــوس
والثـــــــاني جــــمال وجـــــوه يردون
وانا مفلس صدگ من هاي الشروط
بــــــــــس عندي محنه تعادل الكون
صـح اسمر ولكن كلبي ابيض حـيل
متعلم وفــــــــــــــــه ومايعرف يخون

 

[مخملية]

رد: مساجله شعريه متنوعة

خـل احــــــــبك وابقى يمك ما اروح ..
ليلي وحشه اسنين ما جاني فجر ..
روحــي بيك تولعت وانـــــــــي فقير ..
حبنـي والعبـــاس تكسبي بيه اجر ..

 

[مخملية]

رد: مساجله شعريه متنوعة

*************************
موذنبي من اوصفك وارتكب منكـــــــــر
اسمر ماتصير اتحده شمس الصيـــــف
من وجهك اخاف اعلا الشمس تسمر
وعلى المرمر انصحك لاتحط رجليـــــك
تزلك يازبد وايوصخك المرمـــــــــــــــر

 

[علي الربيعي]

رد: مساجله شعريه متنوعة

ااه ياحبك ....وصل ما ادري وين..!!!
الصفنه تشمرني بحضن غيبوبه..!!!
ربي عثرني بعشگ مابيه وداع ...​

ارد اعوض راحتي المسلوبه ...​

 

[مخملية]

رد: مساجله شعريه متنوعة

كلشي عدنه..
وكلشي ماكو!!!
عدنه زوليه من ذاك الزمان..
جدي جان ايغازل القبله عليهه...
وعدنه صينيًة عوافي لسه ما صبولي بيهه..
وعدنه حب مفطور لمّي,انفطر جي يسمع حجيهه..
وعدنه لـ أهل البيت صوره,,من نجوع انصد عليهه

 

[مخملية]

رد: مساجله شعريه متنوعة

المايندل خيالي بروحي ما اخليه ومايرهم عليه لو نفس جيته
التعداني بحلم يلگيني عابر ليل الفجر گبل الشمس بعيوني وشلته

 

[مخملية]

رد: مساجله شعريه متنوعة

اوگـف!! عليك المـاي ريـض يا بلم
ويـن ماخذ ولفي بس خـل افتهم
ادري مخلوق الخشب بس للوداع؟
لو يسيـــر نـار لو تابـوت اشـم
اوكــف!! عليك الماي ريـض يا بلم
مو جنت شجرة وتلم بس الحمـام
شو شلت بس فرگة ما تعرف حرام
جرجـرت چم ايد من خصـر الـورد
ماخــذ الضحكات من چف الحلــم
اوگف!! عليك الماي ريــض يا بلـم.......

 

[مخملية]

رد: مساجله شعريه متنوعة

اكو جبل شامخ وافعاله ويه الكاع
واكو بالكاع وافعاله جبيرة...
واكوصايم ويصلي بس حقد مليان
واكو يشرب خمر مليان غيرة
واكو زنكيل لكن ميت احساس
واكو مفلس لكن حي ضميره
واكو صاحب قصر لكن ولامرتاح
واكو مرتاح كلش ع حصيره
واكو ديوان لكن ماوسع ضيف
واكوخيمه لكن تحوي ديره

 

[مخملية]

رد: مساجله شعريه متنوعة

يـل مـوشـل حـنـاني ارد اضوك الـعـيــد
بي عـشاك تــفـرح كـلـهـه مـتـجـمـعـه
اليـهـمـس احبــك .. والهـمـس مـشتـاك
وانـي اخـرس بـنـصـهم صوتي متسمعـه
الــمــفــارك مــبــيــن لــو بــنــص طــيور
الــف نــورس يـهـف مــيـنـشـف الدمـعـه
امـس مـر بـيـه طـيـفـك ثـكّـل بـممـشاي
صــوت جـدامـي كــام الاطـرش يسـمـعـه
وامــس مـر بـيـه صـوتك .. حيـل بـارد جان
شـنـهـو احــضـان غيـري الـغيرت طـبـعـه ؟
ومــدامــك يــمـه تــفـرح .. مـا اريـد الـعـيـد
ارد اطـفـي روحــي بــطــفــيـه الـشـمـعـه
ولا تــنــطــر اهــديــلــك ورد وكــلـــوب
انــي بــنـص مــكــابــر روحــي مـتـشـيـعـه
صـح عيد العشك... بـس عـنـدي عيد فـراك
وعــيـد فــراكــي يــصـدف لـيـلـه الـجـمـعـه