مظفريات..

[جنون العاطفه]

رد: مظفريات..

مالي حيل أنه اجيسك
لايظل طبع ايدي فوگ الخصر حاير ..؟



لـــِ مظفر النواب

 

[العـ عقيل ـراقي]

رد: مظفريات..

ثلثينك اسمر للحنطه
من تشهك جن جفلت بطه
جملني بنهدك نص غطه
انبگلك جن فحل الوز
جريت اثيابك للصره
وشفت الدگ واصل .. للبصره
گتلك نلعب كتبه وطره
فنك گتلي تعدي الحز
حز خصرك فرارة فضه
وشامه بنص خصرك معترضه
همي بفضتك شنهي الفضه
غير امكابر بوس ولز
.. تدريني
ماضكت أفراشي
من يوم اللاگيتك ماشي
وي غيري .. وطعمته برآشي
بس آني ابعشگك ع المز
ترجيتك..
سديت الباب
مغيرير وماتسوه أعتاب
حگك ياشجرة عناب
لاجن نگدرلك بلهز
وعنابك طاح اعله الفرشه
ونزلنه خديدك عن عرشه
وعلمنه عرانك ع الرز
گالولك آنه امن الطين
صدكوا .. بس طين ابساتين
طينتهم صبخه وعفنين
ودود البيها ماهو قز
تذكر يامه سكرنه بريجك
ويدينه تصلي بشگ زيجك
ياضيج العين شما ضيجك
جرت عينك جود وعز
بستان تحفالك يرعش
يزغير ماضاك المشمش
أسألني ياخمره امغوش
الينجاس بگطنه يفز
بطلنه نحب .. شنهي أطلابه
لاجن نوبات أندگ بابه
نگله شلونك يطوي أكتابه
كلسا دمعة عينه تنز
صوجك ضيعت ألأيام
كلما صح الليل تنام
شميتك شمة شمام
وگتلك باجر....باجر سز

 

[العـ عقيل ـراقي]

رد: مظفريات..

عاتباني بحركة
عاتباني بحركة لاجن عالمودة
ضك عليه نهيدة و
كلي اكطفلي من شفافي وردة
ضحك والرصعات طشن الله ليلو بنار خدة
وسحب ورور ماي
ورشني ،ومن جذب موتت روحي
ودنج وصدك متت ،اخذيته هو ورورة الكاتم
وعركنه المخدة
النواب

 

[جنون العاطفه]

رد: مظفريات..

وين سارح ؟


چنك مضيع عُمر

 

[جنون العاطفه]

رد: مظفريات..

يا گرنفل
يلي نهدك من مسح بوساتي قنصل
واني ماخذلك سلام

 

[العـ عقيل ـراقي]

رد: مظفريات..

مگطوعة مثل خيط السمچ روحي
حلاوة ليل محروگة حرگ روحي
وعتبها هواي ما يخلص عتب روحي
ولا مريت ولا نشديت ولا حنيت....

 

[العـ عقيل ـراقي]

رد: مظفريات..

بالغلط دگيت بابه
بليله من ذيچ‌ الليالي
طلع لابس ثوب ململ على جلده
و بيده شدة رازقي
و قنديل نهده زغير يلالي
مدلي إيده ..
انطاني من ضحكاته خرده
شگد وجعني من الزغر للشيب گلبي
إلماله أول ماله تالي
گتله وآنه اعتذر
غلطَتْني بابك
الله يسترلك شبابك
ضحك ...سد الباب
شحچيلك ...
صدگ سواني خرده
بليله من ذيچ اليالي.
قصيده ليله من ذيج اليالي

 

[العـ عقيل ـراقي]

رد: مظفريات..

حزنك .. جمالة شتا
وگاعد لوحدك غاد .. بزوية عمر
والگهوة جنها سنين .. نطرت ناس
مسحتهم صفنتك
مطر .. كلش مطر ..
والشارع مغوش حجي
وريحة ناس مالك شغل بيهم ..
عينك مراية وكت .. ما بيها احد
وانته ضايع مثل ورگة يانصيب انتهت
وتدور الجرايد بلكي ريحة وطن
وتغمض عيونك .. وين راحوا ؟!..
وين راحوا ؟!!.. وين راحوا ؟!!!..
يعني حلفوا ما يجون .. !!
تمسح الليل .. المطر ..
وترسم على الشباج دويره صحو برجفة جفوفك
بلجي جيتهم تشوفك ..!!
ما اجوا .. شتسوي يعني ما اجوا .. !!!

 

[العـ عقيل ـراقي]

رد: مظفريات..

"أصغر شيئ يسكرني في الخلق
فكيف الإنسان"

تعال لبستان السر أريك الرب على أصغر برعم ورد
يتضوع من قدميه الطيب
قدماه ملوثتان بشوق ركوب الخيل
وتاء التأنيث على خفيه تذوب

تعال لبستان السر أريك الرب على أصغر برعم ورد
في هذا الشطر من القصيدة عنوان جميل وهو تعريف
الخلق لله وحده لا شريك له
وهنا يكمن سر ابداع الشاعر في دوزنت الشعر والعبودية لله​

 

[جنون العاطفه]

رد: مظفريات..

يعجبني ادور عالگمر بين النجوم
انه ماحب الگمر
كلش گمر